Nazirlər Kabinetinin qərarı ilə Azərbaycanda iyun ayında iki iş və qeyri-iş günlərinin yerləri dəyişdirilib.

Bizimyol.info xəbər verir ki, bu barədə Baş nazir Əli Əsədov qərar imzalayıb.

Qərarda iş və istirahət günlərinin ardıcıllığını təmin etmək məqsədilə 2023-cü ilin 27 və 30 iyun iş günləri ilə müvafiq olaraq 24 və 25 iyun istirahət günlərinin yerləri dəyişdirilib. İyunun 24-ü (şənbə) və 25-i (bazar) iş günləri, iyunun 26, 27, 28, 29 və 30-u qeyri-iş günləri olacaq.

Növbəti iki gün 1 və 2 iyul isə şənbə və bazar günlərinə təsadüf etdiyindən ardıcıl olaraq 7 qeyri-iş günü olacaq. Qeyd edək ki, 26 iyun Azərbaycanın Silahlı Qüvvələri Günü, 28 və 29 iyun isə Qurban bayramıdır.