Fransa prezidenti Emmanuel Makron bildirib ki, o, daha bir müddətə yenidən seçilməyi planlaşdırmadığı üçün seçkilərdəki reytinqini Fransanın maraqları naminə qurban verməyə hazırdır.

Bizimyol.info xəbər verir ki, o, bunu çərşənbə günü ölkədə qarışıqlıq yaradan pensiya sistemində islahatlarla bağlı telekanallara müsahibəsində deyib.

“Mən yenidən seçilmək fikrində deyiləm, konstitusiyaya görə bunu edə bilmərəm. Ani ictimai rəy sorğuları ilə ölkənin maraqları arasında ikincini seçəcəyəm", Makron "TF1" və "France 2"yə müsahibəsində deyib.

“Qeyri-populyarlıqla üzləşməli olsam da, buna hazıram", - o əlavə edib.