Pakistan məhkəməsi şənbə günü Pakistanın keçmiş baş naziri və müxalifətdəki Ədalət Uğrunda Hərəkat Partiyasının (UHP) sədri İmran Xanın həbsinə dair orderi ləğv edib və onun dinləməsini martın 30-na təyin edib.

Bizimyol.info xəbər verir ki, "Geo.tv"nin verdiyi məlumata görə, hakim iş üzrə tərəflərə növbəti iclasda debatın keçiriləcəyini bildirib, həmçinin Xanın məhkəmədə iştirakını təmin etməyi tapşırıb.

Qərar polisin məhkəmə binası yaxınlığında UHP tərəfdarları ilə toqquşmasından və hakim qarşıdurma zamanı məhkəmə iclasının keçirilməməsinə qərar verdikdən sonra verilib.

Eyni zamanda, siyasətçi davam edən qarşıdurmalar səbəbindən avtomobilini tərk edə bilməsə də, İmran Xanın məhkəməyə gəlməsi rəsmi olaraq qeydə alınıb.

Telekanalın verdiyi məlumata görə, Xan hazırda bu gün polisin basın edərək axtarış apardığı Lahordakı iqamətgahına qayıdıb.

Sabiq baş nazir hakimiyyətdə olarkən xarici liderlərdən aldığı bahalı hədiyyələri satmaqda ittiham olunur. 2022-ci ilin oktyabrında Pakistan Seçki Komissiyası Xanı seçkilərdən kənarlaşdırıb və onu beş il müddətinə dövlət vəzifələrində işləmək hüququndan məhrum edib.

Martın 14-15-də hüquq-mühafizə orqanlarının əməkdaşları məhkəmənin qərarına əsasən Xanı saxlamağa çalışsalar da, UHP fəalları və tərəfdarlarının müqaviməti ilə üzləşib, nəticədə 60-dan çox polis əməkdaşı yaralanıb. Eyni zamanda, İslamabaddakı Xanın vəkilləri məhkəmələri onun həbsinə dair orderi məhkəməyə təkbaşına gəlmək öhdəliyi ilə yenidən dayandırmağa inandıra bildilər.

Xan ona qarşı etimadsızlıq səsverməsindən sonra 10 aprel 2022-ci ildə Pakistan hökumətinin başçısı vəzifəsindən uzaqlaşdırıldı.

Qadir, Bizimyol.info