ABŞ tənzimləyiciləri bank böhranının yayılmasının qarşısını almaq üçün kripto sənayesində əsas kreditor olan “Signature Bank”ı bağlayır.

Bizimyol.info xəbər verir ki, bu barədə Bloomberg, CNBC ABŞ Xəzinədarlığı, Federal Ehtiyat Sistemi və Federal Əmanətlərin Sığortalanması Korporasiyasının birgə bəyanatına istinadən məlumat yayıb.

Bloomberg həmsöhbətlərinin sözlərinə görə, bankın bağlanması qərarı ictimaiyyətə açıqlamadan az əvvəl xəbər tutan menecerləri üçün sürpriz olub.

Cümə günü böyük bank “Silicon Valley Bank”ın ləğvi fonunda bank kütləvi depozit axını ilə üzləşib. Agentliyin bankdakı həmsöhbətləri deyirlər ki, buna baxmayaraq, bazar gününə qədər vəziyyət sabitləşib.

Məlumata görə, “Signature Bank”ın dağılması texnologiya sənayesinin qollarından biri - kriptovalyuta sektoru üçün ciddi problemlər yarada bilər. Signature, ötən həftə ləğv olunduğunu elan edən Silvergate-dən sonra kripto sənayesində ən böyük bankdır. FactSet-ə görə, onun bazar dəyəri bu il 40% ucuzlaşdıqdan sonra cümə günü 4,4 milyard dollar təşkil edib.

Artıq müştərilər bankdakı aktivlərini bəyan etməyə başlayıblar. ABŞ-ın ən böyük kriptovalyuta birjası olan “Coinbase Global Inc.” cümə axşamı günü bank balansında 240 milyon dollar olduğunu bildirib.

Paxos Global, 250 milyon dollara və "pul balansımızı və Fed-in tək hesab kredit sığortası limitlərini əhəmiyyətli dərəcədə aşan şəxsi əmanət sığortasına sahib olduğunu" söyləyib.

Bank tənzimləyiciləri, “Signature” Bank əmanətçilərinin pullarını geri təmin etmək üçün “Silicon Valley Bank”ın əmanətçilərinin etdiyi kimi, öz depozitlərinə tam çıxış əldə edəcəklərini söyləyiblər.

Məlumat üçün bildirək ki, dünya “Silicon Valley Bank”ın dağılması ilə bağlı panikaya düşür və yeni maliyyə böhranından qorxur.

Xatırladaq ki, ABŞ Federal Ehtiyat Sistemi “Silicon Valley Bank” və “Signature Bank”ın dağılmasından sonra bank sisteminin işləməsinə kömək etmək üçün əlavə maliyyə ayıracaq.

Leyla Mirzə