Son illərdə Yerin fırlanma sürəti bu effekti kompensasiya etmək üçün anormal şəkildə artır, 2028-ci ilə qədər bir saniyə çıxılmalı olacaq.

Bizimyol.info xəbər verir ki, bunu RİA Novosti-yə qabaqcıl tədqiqatlar və zaman, tezliyin ölçülməsi şöbəsinin baş elmi işçisi Vitali Palçikov bildirib.

"Nüvənin ətalət anının dəyişməsi ilə bağlı fərziyyə Yerin fırlanmasının sürətlənməsinin təsirlərini izah edən mümkün fərziyyələrdən biridir.

Alimlərin fikrincə, 2028-ci ildə hardasa ikinci saniyyənin çıxarılması baş verəcək”, - deyə Palçikov qeyd edib. O, əlavə edib ki, indi Yerin fırlanmasının sürətlənməsinin hərtərəfli izahı yoxdur. Bununla belə, o, bunun nə vaxtsa görünəcəyinə əmin olduğunu bildirib.

“Digər bir fərziyyə onunla bağlıdır ki, anomal miqdarda yağıntının düşməsi Yer kürəsinin fırlanmasının sürətlənməsinə, yağıntının buxarlanması isə əksinə, ləngiməyə səbəb olur. Lakin bu təsirlər bir-birini kompensasiya etmir”,-deyə alim qeyd edib. Onun sözlərinə görə, Yerin fırlanmasının sürətlənməsinin nəticələrindən biri 2022-ci il iyunun 29-u tarixdə ən qısa gün olması olub.

Palçikovun sözlərinə görə, Yerin sürətlənməsi anomaldır və son vaxtlara qədər planetimiz yavaşlayırdı.

“Onun fırlanma sürətindəki azalmasını kompensasiya etmək üçün 1970-ci illərdən bəri düzəlişlərin bir hissəsi olaraq əlavə 37 saniyə tətbiq edilib”,-deyə alim bildirib.

Leyla Mirzə, Bizimyol.info