Ukraynanın müdafiə naziri Aleksey Reznikov İsrailin Kiyevi raket və PUA hücumlarına qarşı erkən xəbərdarlıq texnologiyaları ilə təmin etməyə hazır olması barədə məlumatı təsdiqləyib.

APA-nın xəbərinə görə, bu barədə UNİAN məlumat yayıb.

Bundan əvvəl Ukraynanın İsraildəki səfiri Yevgeni Korniyçuk bildirib ki, Kiyevə erkən xəbərdarlıq texnologiyalarının ötürülməsinə dair İsrail tərəfi ilə razılıq əldə olunub.

Lakin Reznikov Kiyevin bu texnologiyanı nə vaxt alacağı ilə bağlı suala cavab verməyib.