"ABŞ çətin ki, "F-16" qırıcılarının Ukraynaya verilməsinə razı olsun, lakin digər ölkələrə öz "F-16"ları təqdim etməyi düşünə bilər. İxrac məhdudiyyətlərinə görə, bunun üçün ABŞ-ın razılığı tələb olunur".
Bizimyol.info xəbər verir ki, bunu Pentaqon yüksək rütbəli rəsmisi "Politico"ya bildirib.
Nəşr qeyd edir ki, bəzi Avropa ölkələri artıq öz "F-16"larını Ukraynaya verə biləcəklərini eln ediblər. Qeyd edilir ki, hətta “Rafale”yə keçən Fransa da ABŞ-ın Hərbi Hava Qüvvələrinə məxsus qırıcı təyyarələrinin köhnə modellərini verə bilər.
“Bu barədə danışan başqa ölkələr də var. Buna görə də onlar bunu necə etmək barədə təkliflər irəli sürdükdə, düşünürəm ki, biz bunu müzakirə edəcəyik”, - Müdafiə Nazirliyinin yüksək rütbəli məmuru bildirib.
O, həmçinin əlavə edib ki, ABŞ-ın mövqeyi heç də bu cür tədarükləri inkar etmək demək deyil: “Biz sadəcə prioritetləri təyin etməyə davam etdiyimizə əmin olmalıyıq”, - deyib.
Öz növbəsində NATO-nun keçmiş baş katibi Anders Foq Rasmussen qeyd edib ki, Qərb Ukraynanı ona lazım olan bütün silahlarla təmin etməlidir. “Ən böyük risk münaqişənin uzanmasıdır. Ona görə də biz maraqlıyıq ki, müharibəni tez bir zamanda silahla bitirək. Ukraynaya lazım olan bütün silahları təmin etsək, ukraynallılar qalib gələ biləcəklər, bura hətta Krımın qaytarılması da daxildir”, - deyən o vurğulayıb.
Eyni zamanda, fevralın 14-də "Ramstein" formatında keçiriləcək görüş, çox güman ki, yenidən hava hücumundan müdafiə, tanklar və döyüş sursatlarına həsr olunacaq. Təyyarələrlə bağlı danışıqlar Avropa tərəfindən “uzunmüddətli layihə kimi” qəbul edilir.
Hazırda Qərbdə qabaqcıl aviasiyanın ukraynalı pilotlara verilməsi ilə bağlı yekdil fikir yoxdur. Almaniya kansleri Olaf Şolz öz ənənəvi üslubu ilə deyib ki, Berlin Qərb qırıcılarının Ukraynaya verilməsinin əleyhinədir, çünki onlar deyirlər ki, bu, yeni eskalasiya təhlükəsi yaradır. Həmçinin, bir gün əvvəl Amerika prezidenti Co Bayden Ağ Evin "F-16"ların Ukraynaya çatdırılmasına razılıq verib-verməyəcəyi ilə bağlı suala: “Xeyr”, - deyə cavab verib.
Baxmayaraq ki, "The Wall Street Journal"ın yazdığı kimi, Qərb anlayır ki, Rusiya işğalçı müharibədə qalib gələcək, ona görə də Ukraynaya silah tədarükü ilə bağlı strategiyasını dəyişir.
Politico nəşrinin yazdığına görə, rəsmilər artıq Pentaqona təzyiq göstərməyə başlayıblar ki, ABŞ Ukraynaya qırıcı təyyarələrin verilməsinə razı olsun.
Müharibə Tədqiqat İnstitutu yazır ki, ABŞ və Avropa ölkələrinin silahlı qüvvələrin qabaqcıl Qərb silahlarının verilməsindəki qərarsızlığı Ukraynanın cənubda əks-hücumunun inkişafı üçün "tormoz" oldu. Bundan sonra müharibə mövqe döyüşlərinə çevrildi.
Ukrayna Prezidet Aparatı fevralda "Ramstein"də aviasiya olacağına ümidlərini gizlətmir. Xarici İşlər Nazirliyinin rəhbəri Dmitri Kuleba qeyd edib ki, beynəlxalq tərəfdaşlar artıq "F-16" reaktiv qırıcılarının Ukraynaya təhvil verilməsi məsələsi üzərində işləməyə başlayıblar.
Ukrayna Qərb istehsalı olan təyyarələri alarsa, böyük ehtimalla bu, "F-16"lar olacaq. Hərbi tarixçi Andriy Harukun fikrincə, bu, bir çox ölkələrlə xidmətdə olan və bu gün istehsal olunan müasir döyüş təyyarələrinin ən geniş yayılmış modelidir.
Həmçinin Harukun sözlərinə görə, İtaliya və İspaniya kimi bir neçə ölkə ilə xidmətdə olan İsveçin “Grippen” və “Eurofighter” qırıcıları, hətta Fransanın “Rafale”ləri də Ukraynaya verilə bilər. Onlar dünyanın ən yaxşı, ən qabaqcıl və ən populyar təyyarələridir.
Qadir, Bizimyol.info
