2022-ci ilin payızında Almaniyadan Rusiyaya ixrac 2021-ci ilin eyni dövrü ilə müqayisədə iki dəfədən çox azalıb.

Bizimyol.info xəbər verir ki, "Euractiv"in məlumatına görə, Rusiyadan qalıq yanacaq idxalını dayandırmaq üçün aparılan kütləvi səylərə baxmayaraq, Rusiyadan idxal daha az kəskin şəkildə azalıb.

Məlumata görə, 2022-ci ilin oktyabrında Almaniyanın Rusiyaya ixracı 2021-ci ilin oktyabr ayı ilə müqayisədə demək olar ki, 60% az olub. “Eyni zamanda, müharibə aparan ölkədən idxal 49% azalıb. Rusiyanın Ukraynaya qarşı aqressiv müharibəsi başlayandan bəri Rusiya ilə ticarət əhəmiyyətli dərəcədə zəifləyib”, - bəyanatda deyilir.

Qeyd edildiyi kimi, hazırda Almaniya-Rusiya ticarətinin azalmasının nə qədərinin müharibənin birbaşa nəticəsi olduğunu, nə qədərinin isə işğalçıya qarşı tətbiq etdiyi Aİ sanksiyaları ilə bağlı olduğunu söyləmək çətindir.

Rusiyanın Ukraynaya müdaxiləsindən sonra S&P Rusiyanın kredit reytinqini BB+-dan CCC- səviyyəsinə endirib. İşğal Rusiya Federasiyasının tarixində ən uzun tənəzzüllərdən birinə səbəb oldu.

8 mart 2022-ci ildə S&P 52 Rusiya şirkətinin kredit reytinqini aşağı salıb. İyunun 27-də isə Rusiya son yüz ildə ilk dəfə suveren borcunu yerinə yetirməyib.

İyunun 30-da “Qazprom”un səhmləri ucuzlaşmağa başlayıb. Elə həmin gün “Qazprom”un ardınca Rusiyanın ən böyük şirkətlərinin səhmləri ucuzlaşmağa başlayıb. Ukraynadakı müharibə Rusiya iqtisadiyyatını cəmi bir rübdə dörd il geri salıb. Avqustun 31-nə olan məlumata görə, rusların 80%-i əmanətsiz qalıb.

5 dekabr 2022-ci ildə Aİ-nin Rusiyaya qarşı neft sanksiyaları qüvvəyə minib. Qiymət tavanı o deməkdir ki, dekabrın 5-dən etibarən Aİ-nin 27 ölkəsi, Böyük Britaniya, ABŞ, Kanada, Yaponiya və Avstraliya Rusiya tanker nefti ilə bağlı xidmətlər yalnız müəyyən edilmiş tavan qiymətindən və ya ondan aşağı qiymətə alındığı halda göstəriləcək. Və 2023-cü il fevralın 5-dən Rusiya neft məhsullarının alınması da qadağan olunacaq.

19 dekabr 2022-ci il tarixinə Rusiya səhmləri dünyada ən böyük illik eniş göstərib.

Qadir, Bizimyol.info