Qətərdə dördillik dövrün əsas futbol hadisəsi olan 2022-ci il dünya çempionatı başa çatmaq üzrədir.
Bizimyol.info xəbər verir ki, Qətərdə keçirilən dünya çempionatının yarımfinal oyunları ərəfəsində analitiklər turnirdə hansı millinin ən yaxşı komanda olacağını proqnozlaşdırıblar.
2022-ci il dünya çempionatının 1/4 final mərhələsinin oyunlarından sonra bukmekerlərin qiymətləri dəyişib. Onların fikrincə bu mərhələdə turnirin əsas favoriti – Xorvatiyaya penaltilər seriyasında uduzan Braziliya millisi idi.
1/4 finaldan sonra bukmekerlərin yeni qiymətləndirmələrinə görə, hazırda Qətərdə keçirilən dünya çempionatının əsas favoriti Fransa yığmasıdır.
Dünya çempionatının əsas favoritləri siyahısında ikinci yeri Argentina millisi tutur.
Xorvatiya və Mərakeşin DÇ-2022-nin qalibi olmaq şansları o qədər də yüksək deyil.
Dünya Kuboku 2022 üçün bukmeker əmsalları:
Fransa - 2.10
Argentina - 2,70
Xorvatiya - 8,0
Mərakeş - 10.50
Əlavə edirik ki, DÇ-2022-nin yarımfinalında Xorvatiya yığması Argentina ilə qarşılaşacaq, Fransa isə gücünü turnirin əsas sensasiyası - Mərakeş yığması ilə ölçəcək.
2022-ci il dünya çempionatının 1/2 final mərhələsinin oyunlarının təqvimi:
13 dekabr
23:00 Argentina - Xorvatiya
14 dekabr
23:00 Fransa - Mərakeş
Xatırladaq ki, mundialın hazırkı qalibi DÇ-2018-in finalında Xorvatiyaya qalib gələn Fransa millisidir.