Rusiyanın İran istehsalı olan pilotsuz uçuş aparatlarının yeni partiyasını aldığı iddia edilir.

Bizimyol.info xəbər verir ki, bu barədə Britaniya Müdafiə Nazirliyi kəşfiyyat məlumatlarına istinadən Tvitter-də məlumat yayıb.

Kəşfiyyat qeyd edir ki, 2022-ci il dekabrın 6-da Ukrayna Silahlı Qüvvələrinin Baş Qərargahı 17 pilotsuz uçan aparatın, o cümlədən 14 Şahed-136 pilotsuz uçan aparatın vurulması barədə məlumat verib, dekabrın 7-də isə Ukrayna rəsmiləri Zaporojye və Dnepropetrovsk bölgələrində İrana məxsus pilotsuz təyyarələrin vurulması barədə məlumat verib.

"İran Şahed-136-nın Ukraynada vurulması ilə bağlı əvvəlki hesabat 2022-ci il noyabrın 17-də idi. Təsdiq olunarsa, Rusiyanın yeni gətirilən pilotsuz sistemlərlə hücumları bərpa etməsi ehtimalı yüksəkdir",- deyə Britaniya kəşfiyyatı bildirib.

Xatırladaq ki, sentyabr ayından ruslar Ukrayna şəhərlərinə və kritik infrastruktura zərbələr endirmək üçün Şahed-136-dan fəal şəkildə istifadə edirlər .

KİV-in məlumatına görə, Rusiya və İran Rusiyada dron istehsalı ilə bağlı razılığa gəliblər.

Qeyd edək ki, Ukrayna Silahlı Qüvvələrinin Hərbi Hava Qüvvələri Komandanlığının məlumatına görə, dekabrın 7-nə keçən gecə üç həftəlik fasilədən sonra ruslar kamikadze dronlarla yenidən Ukraynaya hücum ediblər. Ümumilikdə təxminən cənub-şərq istiqamətindən yönəldilmiş 14 sursat tapılıb. 14 mülki şəxs həyatını itirib.

Leyla Mirzə, Bizimyol.info