NATO paytaxtlarında liderlər tammiqyaslı müharibənin ilk günlərində arxa plana keçirilmiş ideyaya - Ukraynaya döyüş təyyarələri vermək fikrinə yenidən baxırlar.
Bizimyol.info xəbər verir ki, bunu ABŞ Hərbi Dəniz Qüvvələrinin təqaüdə çıxmış admiralı, NATO-nun keçmiş baş komandanı Ceyms Stavridis "Bloomberg"ə yazdığı məqalədə qeyd edib: "Söhbət sovet dövründən qalma "MiQ-29"lardan və ya yeni Amerika "F-16"larından gedir", - deyə o bildirib.
Stavridis bildirir ki, qışın gəlməsi ilə əslində iki ayrı münaqişə yaranır: biri yerdə, digəri havada: “Ukrayna üzərindəki hava müharibəsində üstünlük Rusiyadadır. Əvvəla, onların Suriyada böyük döyüş təcrübəsinə malik əhəmiyyətli dərəcədə daha böyük hava qüvvələri var. Rusiya Hərbi Hava Qüvvələri mütəmadi olaraq Suriya şəhərlərini bombalayıb toza çevirib”, - hərbçi bildirib.
O deyib ki, Qərb hava müharibəsi üçün Ukraynaya daha çox yardım etməlidir: "Ukraynalılara öz səmalarını bağlamaq üçün daha çox vasitənin verilməsi rusları danışıqlara vadar etmək üçün açar ola bilər. Bəlkə də Zelenski və ordusunun yerüstü qüvvələrlə qazandığı uğurları nəzərə alsaq, bu yazda baş verə bilər", - Stavridis deyir.
ABŞ Hərbi Dəniz Qüvvələrinin təqaüdə çıxmış admiralı Ukraynanın artan sayda yüksək texnologiyalı hava-yer raket sistemləri (məşhur "Dəmir Günbəz" kimi), NATO Patriot batareyaları və ehtimal ki, taktiki qırıcılar alacağını proqnozlaşdırır.
Ukrayna Silahlı Qüvvələrinin Hərbi Hava Qüvvələri Ukraynanın "F-15" və "F-16" qırıcılarına ehtiyacı olduğunu vurğulayıb. Hərbi ekspert, Ukrayna Silahlı Qüvvələrinin polkovniki, ehtiyatda olan Roman Svitanın fikrincə, Amerikanın "F-15" və "F-16" qırıcıları bu ilin sonuna qədər Rusiyanın başlatdığı müharibədə Ukrayna Silahlı Qüvvələrinə qalib gəlməyə kömək edəcək.
Qeyd edək ki, "F-16" çoxfunksiyalı yüngül qırıcı ABŞ-da General Dynamics tərəfindən hazırlanmış və ilk dəfə 1978-ci ildə istifadəyə verilib. İndi "F-16"lar artıq ABŞ Hərbi Hava Qüvvələri üçün istehsal olunmur, o, hələ də ixrac üçün istehsal olunur - bu, çoxfunksiyalı və nisbətən aşağı qiymətə görə uğurdur.
Qırıcının silahı altı lüləli təyyarə topu (dəqiqədə 6000 atış, 511 mərmi), altıya qədər qısa mənzilli idarə olunan raketdir. Qırıcı-bombardmançı versiyada o, hava-yer tipli idarə olunan raketləri, idarə olunan bombaları, adi bombaları daşıya bilir.
Qadir, Bizimyol.info
