Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Türkiyənin "S-400" açıqlaması ABŞ-ı həyəcanlandırdı
Türkiyənin "S-400" açıqlaması ABŞ-ı həyəcanlandırdı

Türkiyə Milli Müdafiə naziri Hulusi Akar Türkiyə Böyük Millət Məclisində nazirliyinin büdcə müzakirələri zamanı F-16 və S-400 müdafiə sistemləri ilə bağlı mühüm açıqlamalar verib.

Bizimyol.info xəbər verir ki, Türkiyənin F-35 proqramından çıxarılmasına səbəb olan Rusiyadan tədarük edilən S-400 müdafiə sistemləri ilə bağlı Akar, “S-400 quruda istifadəyə hazırdır. Təhlükə yarananda biz ölkəmizin hava hücumundan müdafiəsini harada quracağımıza qərar verəcəyik və gedib onu quracağıq”, - deyə bildirib.

Qeyd edək ki, ABŞ son illərdə Rusiyadan S-400 sistemləri aldığı üçün Türkiyəyə qarşı sanksiyalar tətbiq edib, F-16 və F-35-lərin satışını məhdudlaşdırıb.

Onu da əlavə edək ki, Hulusi Akarın açıqlamalarına ABŞ-ın cavabı gecikməyib. Yunan jurnalistlərə açıqlamasında ABŞ Dövlət Departamentinin sözçüsü Ned Prays Türkiyəyə bir daha çağırış edib. Prays xəbərdarlıq edib ki , Rusiya müdafiə sənayesi ilə hər hansı yeni saziş Amerikanın Sanksiyalara Qarşı Düşmənlərinə Qarşı Mübarizə Aktı (CAATSA) çərçivəsində əlavə sanksiyalar riski daşıyır.

Prays ABŞ-ın Rusiyanın S-400-lərinin NATO avadanlıqları ilə uyğunsuzluğu ilə bağlı mövqeyini dəyişmədiyini bildirərək, raket sisteminin NATO texnologiyasının təhlükəsizliyini təhdid etdiyini və ondan istifadənin Türkiyənin NATO öhdəliklərinə uyğun olmadığını vurğulayıb.

Həmçinin o, vurğulanıb ki, Türkiyənin Rusiyadan S-400 almağa davam etməsi NATO-nun 2016-cı ildə Varşavada keçirilən sammitində Rusiya avadanlıqlarından asılılığın azaldılması ilə bağlı götürdüyü öhdəliklərə ziddir.

“ABŞ-ın bütün müttəfiqləri, o cümlədən Türkiyə Rusiyaya gəlir və təsir təmin edəcək silahları almamağa çağırışlarını təkrarlayır”, - deyə Dövlət Departamentinin bəyanatında deyilir. Bəyanatlardan istifadə edilərkən bu cür alışların CAATSA-da əlavə sanksiyalara məruz qala biləcəyi də vurğulanıb.

Məlumat üçün bildirək ki, 2017-ci il avqustun 2-də qüvvəyə minən CAATSA qanunu ABŞ-ın öz milli təhlükəsizliyinə “təhdid” hesab etdiyi İran, Rusiya və Şimali Koreyaya qarşı sanksiyaları nəzərdə tutur.

Qanunun 231-ci maddəsinə əsasən, Rusiya ilə müdafiə və kəşfiyyat sahələrində işləyən şəxslərə qarşı da sanksiyalar tətbiq oluna bilər. Bu sanksiyalar Rusiya Federasiyasında və ya onun adından işləyən şəxslərlə bilərəkdən “əhəmiyyətli əməliyyatlar” edən fiziki və hüquqi şəxslərə də şamil edilə bilər.

Leyla Mirzə, Bizimyol.info

Paylaş »
Son xəbərlər
Bütün xəbərlər »