“Zəfər” Günü münasibətilə “Four Season” otelində Paşa Holding , Paşa Həyat Sığorta şirkətinin və “Zəfər” Şəhid Ailələrinə Dəstək İctimai Birliyinin birgə təşkilatçılığı ilə şəhid övladlarının ifasında “Qəhrəman övladıyıq” adlı musiqi əsasında hazırlanmış klipin təqdimatı keçirilib.
Musiqi əsəri ilk dəfə Şuşada “Zəfər” Yay məktəbinin bağlanış mərasimində təqdim edilib. Musiqi əsərinin müəllifi şəhid pilot, polkovnik-leytenant Rəşad Atakişiyevin həyat yoldaşı, Bakı Musiqi Akademiyasının professoru Könül Hüseynovadır. Əsəri səhnələşdirən rejissor Cəlal Kəngərli, senari müəllifi Məryəmxanım Abbasəliyevadır. Klip Paşa Holdinq və Paşa Həyat Sığorta şirkətlərinin dəstəyi əsasında hazırlanıb. Əsərin təqdimatda AR İnsan Hüquqları üzrə Ombudsmanı Səbinə Əliyeva,Qeyri-Hökümət Təşkilatlarına Dövlət Dəstəyi Agentliyinin icraçı direktoru Aygün Əliyeva, şəhid ailə üzvləri, KİV və ictimaiyyət nümayəndələri iştirak etdilər.
Zəfəri bizə bəxş edənlərə ithaf olunmuş həmin bədii-musiqili kompozisiyanı aşağıdakı videodan izləyə bilərsiniz:
