Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Ulduz falı: 8 oktyabr, 2022-ci il – Uğur qazanmaq çətin olmayacaq
Ulduz falı: 8 oktyabr, 2022-ci il – Uğur qazanmaq çətin olmayacaq

Bizimyol.info 8 oktyabr, 2022-ci il tarixi üçün ulduz falını təqdim edir:

Günün başlanğıcı faydalı işlər üçün əlverişlidir. Yeni bir iş götürə və ya əvvəllər gördüyünüz işə qayıda bilərsiniz; hər halda uğur qazanmaq çətin olmayacaq. Vacib bir iş görmək, uzun müddətdir hər kəsi narahat edən məsələni həll etmək üçün ulduzların dəstəyindən istifadə etməyə dəyər. İkinci yarıda emosional fon daha da gərginləşəcək. Bu, şəxsi münasibətlərə təsir edəcək: əvvəllər yaxşı yola gedən insanlar xırda şeylər üstündə mübahisə edə bilərlər. Hisslərə boyun əyməmək, həyəcanlanmamaq vacibdir. Bu yolla ciddi problemlərdən qaça bilərsiniz.

Qoç - Günün başlanğıcı sizi əsəbiləşdirəcək. Bu zaman işdə gecikmələr və evdə fikir ayrılıqları ola bilər. Əvvəllər yaxşı münasibət qurduğunuz insanlar sizi səhv başa düşə bilərlər. Səbrli olun, faydası olacaq. Ancaq günün ikinci yarısı tamamilə fərqli olacaq: parlaq, qeyri-adi və məhsuldar alınacaq. Yeni bir işə başlamaq üçün mükəmməldir. İlk uğurlara tez nail olacaqsınız və gələcəkdə də heç bir çətinlik olmayacaq. Hədiyyələr və xoş sürprizlər ehtimal olunur. Uzun müddətdir gözlədiyiniz görüş yaxşı keçəcək.

Buğa - Günün əvvəlində ciddi əhval-ruhiyyəyə köklənmək asan olmayacaq. Hər şeyi sonraya təxirə salmaq və sadəcə, yaxşı vaxt keçirmək istəməyiniz mümkündür. Bununla belə, bunu etməməlisiniz: hərəkət etməlisiniz, çünki nəzərəçarpan bir uğur əldə etmək şansınız var. Kömək lazım olarsa, etibarlı müttəfiqlərə müraciət etmək daha yaxşıdır. Bu, bir çox xoşagəlməz anlardan qaçmağa imkan verəcək. Günün ikinci yarısı sakit və məhsuldar olacaq. Çoxdankı planlara, əvvəllər tamamlana bilməyən işlərə qayıtmağa dəyər. Bu dəfə çox şeyi asanlıqla əldə edəcəksiniz. Axşam saatları isə sizi gözəl xəbərlərlə sevindirəcək.

Əkizlər - Günün əvvəlində biznesdə təşəbbüs göstərməyə dəyər. Bu vaxt istənilən fəaliyyət üçün əlverişlidir. İxtiraçılıq, yaradıcılıq, həmçinin improvizasiya və qərar qəbul etmək bacarığı tələb olunacaq. Yeni tapşırıqlar maraqlı olacaq. Qeyri-adi tanışlıqlar da istisna deyil. Onlar romantik və ya dostluq münasibətlərinə yol aça bilərlər. Günün ikinci yarısı daha sakit keçəcək. İstirahət etmək və gücünüzü bərpa etmək üçün fürsət yaranacaq və bu sizi sevindirəcək. Ailədə xoş hadisələr ola bilər, ən yaxın adamlardan biri ilə bağlı yaxşı xəbərlər ala bilərsiniz.

Xərçəng - Gün işgüzar danışıqlar, eləcə də planlarınızı həyata keçirməyə kömək edə biləcək insanlarla görüşlər üçün münasibdir. Fikirləriniz haqqında elə danışacaqsınız ki, çətin kimsə onlara biganə qala bilsin. Gözlənilməz iş təklifləri və ya uzunmüddətli əməkdaşlıq imkanlarının yaranması mümkündür. Şəxsi münasibətlərdə yaxşılığa doğru dəyişikliklər ola bilər. Keçmişin bəzi xoşagəlməz hallarını anlamaq, inciklik və anlaşılmazlığa son qoymaq mümkün olacaq. Axşam planları müzakirə etmək, gələcəklə bağlı qərarlar qəbul etmək üçün əlverişli zamandır.

Şir - Gün gərgin, hadisələrlə dolu və maraqlı olacaq. Çox güman ki, günü bəyənəcəksiniz. Axı çoxlu yeni imkanlar olacaq, heç birini əldən verməyəcəksiniz. Bundan əlavə, çoxdan planlaşdırdığınız işi həyata keçirmək şansınız olacaq. Bu işdə kömək etmək istəyənlər də tapılacaq. Birlikdə işləmək dostluq və ya romantik münasibətə yol aça bilər. Diqqətinizi təhsilinizə yönəltsəniz, tez bir zamanda uğur qazanacaqsınız və bu, çox səy tələb etməyəcək. Lazım olan hər şeyi yaxşı yadda saxlayacaqsınız, çətin suallara cavab tapacaqsınız. Səfərlər yaxşı nəticələnəcək – hansı məqsədlə getməyinizin fərqi yoxdur.

Qız - Ardıcıl olun: məhz onun sayəsində əvvəllər qeyri-mümkün görünən hədəfə nail ola biləcəksiniz. Qeyri-standart qərarlar qəbul etmək, yeni bir vəziyyətə uyğunlaşmaq bacarığına ehtiyacınız olacaq. Ətrafa diqqətlə baxın. Şübhəsiz ki, başqalarının qaçırdığı detalları görəcəksiniz və bu, sizin üstünlüyünüzə çevriləcək. Çox maraqlı söhbətlər olacaq. Məlumat toplayın (və onları yoxlamaq üçün tənbəl olmayın), nəticə çıxarın - bu, gələcək üçün planlarınızı müəyyənləşdirməyə kömək edəcək. Ətrafınızdakı insanlar həmişəkindən daha tez-tez işlərinizə qarışacaqlar. Bundan necə faydalanacağınızı tez başa düşəcəksiniz.

Tərəzi - Nə olursa olsun, sakit olun və gün sizin üçün yaxşı olacaq. İşgüzar münasibətlər baxımından əlverişli alınacaq. Əgər sizə müttəfiqlər, köməkçilər və ya yeni tərəfdaşlar lazımdırsa, şübhəsiz ki, onları çətinlik çəkmədən tapacaqsınız. Əməkdaşlıq və ya yeni işlərlə bağlı maraqlı təkliflər ola bilər. Həmişəkindən daha çox diqqət mərkəzində olacaqsınız və çoxları sizi daha yaxından tanımaq istəyəcək. Əvvəllər sərin və rəsmi olan münasibətlər daha isti xarakter alacaq. Romantik bir hekayənin başlaması da istisna deyil.

Əqrəb - Bu gün başqaları ilə münasibət qurmaq həmişəkindən daha çətin olacaq. Sizi dərhal düzgün başa düşməyəcəklər, xırda şeylərə görə mübahisələr mümkündür və kiçik fikir ayrılıqları qarşılıqlı təhqirlərə səbəb ola bilər. Sakit və dinc davranmağa çalışın, bu, kifayət edəcək. Maliyyə ilə bağlı hər işdə diqqətli olmaq lazımdır. Əməliyyatlar və alış-verişlə bağlı qərarlar qəbul etməyə, qiymətli əmlakla bağlı məlumatları bölüşməyə tələsməyin. Axşam ailə məsələlərinə diqqət yetirəcək, yaxınlarınızın qayğısına qalmağa çalışacaqsınız.

Oxatan - Əvvəllər qeyri-mümkün görünən işlərdə belə uğur qazanacaqsınız. İşgüzar münasibətlərdə dəyişikliklər ola bilər: bu gün çoxları sözlərinizin və fikirlərinizin diqqətə layiq olduğunu başa düşəzəklər. Son zamanlar sizi pisləyənlərə aydın olacaq ki, sizinlə düşmənçilik aparmaq yaxşı deyil və rəqiblər məğlubiyyətlərini etiraf edəcəklər. Bununla belə, hər şeyin asan olacağını düşünməyin. Təəssüf ki, yaxınlarınızla ünsiyyətdə gərgin anlar, məişət fikir ayrılıqları, anlaşılmazlıqlar mümkündür. Xüsusilə günorta saatlarında emosiyalara qapılmamaq vacibdir. Əgər soyuqqanlılığınızı qorusanız, vəziyyət tezliklə yaxşılığa doğru dəyişəcək.

Oğlaq - Gün maliyyə ilə bağlı istənilən məsələnin həlli üçün mükəmməldir - hər işdə intuisiyanıza arxalana bilərsiniz. Yaxşı sövdələşmələr bağlamaq şansınız olacaq. Bəzi Oğlaqlar sürətli gəlir artımı vəd edən təkliflər alacaqlar. Bu gün yeni bir iş götürsəniz, istədiyiniz nəticəni necə əldə edəcəyinizi tez başa düşəcəksiniz. Axşam xoş görüşlər vəd edilir. Dostlarla ünsiyyət qurmaq, bəzi ailə məsələlərini və planları müzakirə etmək üçün əlverişli vaxtdır.

Dolça - İş baxımından mühüm gündür: qəbul edilən qərarlardan çox şey asılı olacaq. Buna görə də tələsməmək daha yaxşıdır. Daha çox məlumat toplamağa dəyər və təcrübəsi sizin üçün faydalı olan insanlarla məsləhətləşmək pis olmaz. Əvvəllər diqqət etmədiyiniz bir şeyi görə bilərsiniz. Yaxınlarınızla uzun mübahisələr üçün heç bir səbəb olmayacaq. Hər hansı fikir ayrılığı olsa belə, hər şeydə tez razılaşacaqsınız, hamının xoşuna gələcək bir həll yolu tapacaqsınız. Axşam romantik sürprizlər vəd edilir.

Balıq - Bu gün hadisələr gözlədiyinizdən daha sürətlə inkişaf edə bilər. Düşünmək üçün çox vaxt olmayacaq, qərarlar ildırım sürəti ilə qəbul edilməlidir. Ancaq uğur qazanacaqsınız. Təcrübə və intuisiya kömək edəcək. Amma məsləhətlərin faydalı olma ehtimalı yoxdur, onlar barədə iki dəfə düşünün. Bəzi vacib şəxsi məsələləri müzakirə etmək üçün uyğun gün deyil. Əvvəllər sizi mükəmməl başa düşən bir insanla belə danışıqlar aparmaq çətin ola bilər. Bir az gözləyin: ciddi söhbətlər üçün əlverişli zaman bir az sonra gələcək.

Paylaş »
Son xəbərlər
Bütün xəbərlər »