Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
ABŞ Ukraynaya 625 milyon dollarlıq yeni hərbi yardım tranşı ayırıb
ABŞ Ukraynaya 625 milyon dollarlıq yeni hərbi yardım tranşı ayırıb

ABŞ Prezidenti Cozef Bayden ukraynalı həmkarı Volodimir Zelenski ilə telefon danışığı zamanı Kiyevə 625 milyon dollarlıq hərbi yardımın növbəti tranşının ayrılması qərarını açıqlayıb.

“Report” xəbər verir ki, bu barədə Ağ ev məlumat yayıb.

“Prezident Bayden Ukraynaya lazım olan müddətdə kömək etməyə davam edəcəyinə söz verib. Xüsusən də bu gün o, təhlükəsizlik yardımının 625 milyon dollar məbləğində yeni tranşını təqdim edib”, - press-relizdə deyilib.

Söhbət əlavə silah və texnikadan gedir. Bura HIMARS sistemləri, digər müxtəlif artilleriya sistemləri və sursatları, zirehli texnikalar daxildir.

C.Bayden həmsöhbətinə ABŞ-ın Rusiyaya qarşı məhdudlaşdırıcı tədbirləri davam etdirməyə hazır olduğunu vurğulayıb.

Xatırladaq ki, bu gün Ukrayna və ABŞ-ın dövlət başçıları arasında telefon danışığı olub.

Son xəbərlər
Bütün xəbərlər »