Almaniya kansleri Olaf Şolz bildirib ki, Almaniya Ukraynaya silah tədarükündə təkbaşına hərəkət etməyəcək və Rusiya ilə NATO arasında birbaşa münaqişənin qarşısını almaq üçün əlindən gələni edəcək.

Bizimyol.info xəbər verir ki, o, bu barədə çərşənbə günü “Neue Zürcher Zeitung” qəzetinə müsahibəsində bildirib.

Alman tanklarının Kiyevə verilməsi ilə bağlı sualı cavablandıran Scholz: "Federal hökumətin mövqeyi bəllidir: tək hərəkət etməmək. Bu, bundan sonra da belə olacaq. Lakin Ukraynadakı vəziyyət çox dinamikdir və Almaniya daim vəziyyəti yenidən qiymətləndirir", - deyə kansler qeyd edib.

Lakin ölkənin siyasi kursu, Almaniya hökumətinin başçısının qeyd etdiyi kimi, “aydın olaraq qalır”.

“Almaniya öz imkanları daxilində Ukraynanı dəstəkləyir və eyni zamanda NATO ilə Rusiya arasında birbaşa münaqişənin qarşısını almaq üçün mümkün olan hər şeyi edir”, - deyə Scholz qeyd dibb və əlavə edib ki, bu, bütün qərarların əsasıdır. "Və bu, həm də vətəndaşların böyük əksəriyyətinin iradəsinə uyğundur", - Almaniya kansleri yekunlaşdırıb.

Son həftələrdə Almaniya Ukrayna və bir sıra NATO ölkələrinin nümayəndələri tərəfindən Kiyevə hücum döyüş əməliyyatları üçün lazım olan tank və piyada döyüş maşınlarını göndərmədiyinə görə xüsusilə kəskin tənqidlərə məruz qalıb.

Fevralın 24-də Rusiya prezidenti Vladimir Putin qərarı ilə "xüsusi hərbi əməliyyat" adı ilə Ukrayna dövlətinə ordu yeridilib və xeyli yaşayış məskənləri, iri şəhərlər rus qoşunları tərəfindən işğal olunub.

Bundan sonra Qərb Rusiyaya qarşı irimiqyaslı sanksiyalar tətbiq edib və Kiyevə silah, hərbi texnika tədarükünü milyardlarla dollar həcmində artırıb.

Qadir, Bizimyol.info