Rusiya prezidenti Vladimir Putin çərşənbə günü Ukraynadakı qüvvələrini gücləndirmək məqsədi ilə ehtiyatda olan hərbçilərin qismən səfərbər edilməsi barədə göstəriş verib. Bu da, ölkə daxilində 1200-ə yaxın həbsə səbəb olan, son dərəcə qeyri-populyar, nadir hallardan hesab olunan etirazlara səbəb olub.
Bizimyol.info xəbər verir ki, bu barədə sosial şəbəkələrdə məlumatlar və videogörüntülər yayılıb.
Putin bu riskli əmri Rusiya qoşunlarının Ukraynanı işğal etməsindən təxminən yeddi ay sonra - alçaldıcı uğursuzluqlarla qarşılaşdıqdan sonra verilir. Bunun İkinci Dünya Müharibəsindən sonra Rusiyada ilk belə səfərbərlik çağırışı olduğu bildirilir. Ukraynanın Qərb tərəfdarları ilə cəbhədə təzyiqi artırdığı bir vaxta Putinin bu addımını zəiflik və çarəsizlik aktı kimi qiymətləndirdilər.
Prezidentin məlum fərmanından sonra bəzi ruslar ölkədən qaçmaq üçün təyyarə bileti almağa çalışırlar.
14 dəqiqəlik milli televiziya müraciətində Putin həmçinin Qərbə xəbərdarlıq etdi ki, o, Rusiyanı qorumaq üçün əlində olan hər şeydən istifadə etmək barədə blef etmir. O, bundan əvvəl NATO ölkələrini Ukraynaya silah tədarük etdiyinə görə qınadı.
Döyüş meydanında kəskin itkilər, genişlənən cəbhə xətləri və gözlənildiyindən daha uzun müddət davam edən münaqişə ilə üzləşən Kreml Ukraynadakı qoşunlarını artırmaqda çətinlik çəkir. Kremlin hətta həbsxanalardakı məhbusların bu işə qoşulmasına geniş miqyaslı hərəkətlərin həyata keçirilməsi ilə bağlı məlumatlar yayılmaqdadır.
Çağırılacaq ehtiyatda olanların ümumi sayı 300 minə qədər ola bilər, Rusiyanın müdafiə naziri Sergey Şoyqu bildirib. Bununla belə, Putinin dərhal qüvvəyə minən qismən səfərbərliyə icazə verən fərmanı bir neçə detal təqdim edərək, layihənin hər an genişləndirilə biləcəyinə dair şübhələri artırdı. Qeyd edək ki, bir bənd gizli saxlanılıb.
Rusiyanın ordunu və müharibəni tənqid etməyə qarşı sərt qanunlarına baxmayaraq, səfərbərlikdən qəzəblənən etirazçılar həbs olunmaq qorxusunu dəf edərək ölkənin müxtəlif şəhərlərində etiraz aksiyaları keçirdilər.
Rusiyanın müstəqil insan haqları təşkilatı "OVD-İnfo"nun məlumatına görə, Moskva və Sankt-Peterburq da daxil olmaqla şəhərlərdə keçirilən müharibə əleyhinə nümayişlərdə 1200-ə yaxın rusiyalı həbs edilib.
Associated Press-in Moskvadakı jurnalistləri paytaxtda gecə saatlarında keçirilən etiraz aksiyasının ilk 15 dəqiqəsində ən azı onlarla həbsin şahidi olublar, polis ağır zirehli geyimlərdə mağazalar qarşısında nümayişçilərə hücum edib, bəziləri “Müharibəyə yox!” şüarları səsləndirərkən onları qovub.
“Mən heç nədən qorxmuram. Bizdən ala biləcəkləri ən dəyərli şey uşaqlarımızın həyatıdır. Mən onlara uşağımın həyatını verməyəcəyəm", - deyə moskvalılar etirazlarını səsləndiriblər.
Qadir, Bizimyol.info
