Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Rəhmətlik söyüş söydü, öldürdüm...” - Fransada təhsil alan azərbaycanlı
Bakı Ağır Cinayətlər Məhkəməsində adam öldürməkdə, dələduzluqda, soyğunçuluqda və əmlakı qəsdən məhv etməkdə təqsirləndirilən Zakir Məmmədovun cinayət işi üzrə məhkəmə prosesi davam etdirilib.

"Qafqazinfo"nun prosesdə iştirak edən əməkdaşının verdiyi xəbərə görə, hakim Eynulla Vəliyevin icraatında olan prosesdə ilkin baxış iclası baş tutub.

Dövlət ittihamçısı çıxış edərək ittiham aktını elan edib. Bəlli olub ki, Z.Məmmədov aptekə daxil olaraq Tərlan Aslanovun etibarından sui-istifadə edərək mobil telefonunu danışmaq adı ilə alaraq qaytarmayıb və aptekdən çıxaraq oradan uzaqlaşıb. Bundan başqa Firudun Hüseynovdan su qızdırıcısı almaq üçün razılaşıblar. Qızdırıcını alan zaman aralarında mübahisə yaranıb. Bu zaman Z.Məmmədov qızdırıcının üstündəki dəmir parçasını götürərək F.Hüseynovun başından bir neçə zərbə vurub. F.Hüseynov oradaca ölüb. Z.Məmmədov onun əlindən yerə düşən 100 manatı götürərək evdən çıxıb.

Z.Məmmədov həmçinin Anar Kərimovun 1200 manatlıq əmlakını soyğunçuluq yolu ilə talayıb.

İttihama münasibət bildirən Z.Məmmədov özünü qismən təqsirli bildiyini deyib: "Mən soyğunçuluq etməmişəm. Rəhmətliyin mənə borcu var idi, 100 manatı da ona görə ölmədən əvvəl mənə vermişdi. Pul yerə düşməmişdi. Dələduzluq etmişəm, adam öldürmüşəm, amma soyğunçuluq etməmişəm. Rəhmətlik söyüş söydü, ona görə vurdum. Mən söyüşü bağışlamıram, atamın oğlu da olsa".

Mərhum F.Hüseynovun qardaşı Fazil Hüseynov ifadə verərək deyib ki, meyiti o tapıb: "Ona zəng etdim cavab vermədi. Bacım və bacım oğlu ilə evinə getdik. Mənzilin qapısı bağlı idi. Bacım oğlunda açar var idi, onunla qapını açdı, içəri girib evdə meyiti gördük".

Z.Məmmədovun qardaşı Kamran Məmmədov ifadə verərək hadisə zamanı binanın qarşısında maşında onu gözlədiyini deyib: "Mən heç nəyin şahidi olmamışam. Sadəcə maşında oturub Zakiri gözləyirdim. O bloka girib yuxarı qalxdı. Mən qara "Mercedes" olan taksidə gözləyirdim. Sonra sakitcə düşüb gəldi. Üstündə qan yox idi, həyəcanlı da deyildi. Mənə heç nə demədi".

Məhkəmə prosesi iyunun 30-da davam etdiriləcək.

Qeyd edək ki, qətli törədən 1984-cü il təvəllüdlü Zakir Məmmədov Fransanın Strasburq şəhərində ali təhsil alıb. Onun bir övladı var.

Qətl hadisəsi 2017-ci il fevralın 5-də 64 yaşlı Firuddin Hüseynovun Nərimanov rayonu F.Yusifov küçəsindəki mənzilində baş verib.

Z.Məmmədov əvvəllər dələduzluq etdiyi üçün axtarışda olub.

Paylaş »
››› Məktəblərin rus bölməsinə axının səbəbi nədir: “Peşman olacaqlar”
››› “Rusiya generalı Azərbaycan kəndində Ermənistan bayrağı qaldırmağımızı istədi” – Avanesyan
››› Dahilərin evlilik barədə deyimləri: “Hər qadının həyatında iki vacib kişi var...”
››› Baltikyanı ölkədən Çin telefonları haqda xəbərdarlıq: “Zibil qutusuna atın”
››› “Ərdoğanla görüş və Əliyevlə dialoq istəyən adam “iki erməni dövləti” ifadəsini işlətməz”
››› “Batum xəlvəti”nin sırləri
››› 22 milyonluq yeyintidə ittiham olunan “Şöhrət” ordenli Muradov məhkəməyə nə vaxt çıxarılır
Son xəbərlər
Bütün xəbərlər »