Kollektiv Təhlükəsizlik Müqaviləsi Təşkilatının (KTMT) baş katibi Stanislav Zasın rəhbərlik etdiyi nümayəndə heyəti çərşənbə axşamı Ermənistana gedir.
Bizimyol.info erməni mediasına istinadən xəbər verir ki, Ermənistanın baş naziri Nikol Paşinyan KTMT nümayəndə heyətinin sentyabrın 20-25-də Zasın başçılıq etdiyi səfərə hazırlıqla bağlı qərar imzalayıb.
Məlumat üçün bildirək ki, erməni mediası Ermənistanın KTMT-yə müraciəti ilə bağlı yazır:
“Sentyabrın 13-nə keçən gecə Azərbaycanın Ermənistanın suveren ərazisinə “təcavüz”ünə başlamasından bir neçə saat sonra baş nazir Nikol Paşinyanın rəhbərlik etdiyi Ermənistan Təhlükəsizlik Şurasının iclasında Ermənistanın Baş Naziri Nikol Paşinyana müraciət edilməsi qərara alınıb. Daha sonra Paşinyan bildirib ki, Ermənistan KTMT-yə 4-cü maddə əsasında müraciət edib, bu, Ermənistanın ərazi bütövlüyünün bərpasını və Azərbaycan Silahlı Qüvvələrinin “ölkədən çıxarılma”sını təmin etməyi nəzərdə tutur.
Sentyabrın 13-də KTMT-nin Kollektiv Təhlükəsizlik Şurasının növbədənkənar sessiyasında Ermənistan-Azərbaycan sərhədində vəziyyətin gərginləşməsi ilə əlaqədar qurumun missiyasının Ermənistana göndərilməsi barədə qərar qəbul edilib. Həmçinin “KTMT-nin məsuliyyəti sahəsində vəziyyətin daimi monitorinqi üçün katibliyin əməkdaşları və müştərək qərargahın hərbi qulluqçuları arasından” işçi qrupunun yaradılması qərara alınıb.
Sentyabrın 15-də KTMT-nin Birləşmiş Qərargah rəisi, general-polkovnik Anatoli Sidorov bəyan edib ki, Ermənistana KTMT sülhməramlı kontingentinin göndərilməsi hələlik gündəmdə deyil.
Həmin gün KTMT-nin XTK-nın qərarına uyğun olaraq, Sidorovun rəhbərlik etdiyi KTMT-nin Birgə Qərargahının əməliyyat qrupu monitorinq missiyasını yerinə yetirmək üçün Ermənistana gəlib. Qrup sentyabrın 20-də Moskvaya yola düşüb. Sentyabrın 19-da Ermənistanın müdafiə naziri Suren Papikyana Ermənistanla Azərbaycan arasında sərhəddə müəyyən ərazilərdə vəziyyətin təhlilinin nəticələri, əsas nəticələr və müvafiq tədbirlərlə bağlı təkliflər barədə məlumat verilib. Qrup sentyabrın 20-də Moskvaya qayıdıb”.
Leyla, Bizimyol.info
