Türkiyə terrora qarşı mübarizəni davam etdirəcək.
APA xəbər verir ki, bu barədə Türkiyə Prezidenti Rəcəb Tayyib Ərdoğan 13-cü Səfirlər Konfransının iştirakçıları ilə görüşü zamanı deyib.
O qeyd edib ki, ölkəsinin cənub sərhədi boyunca Suriya ilə 30 kilometr dərinlikdə təhlükəsiz xətti yaratmaq qərarı qüvvədə qalmaqdadır.
“Ümid edirəm ki, Suriyada terror təşkilatının yuva saldığı son əraziləri də təmizləyərək tezliklə bu təhlükəsizlik kəmərinin halqalarını birləşdirəcəyik”, - deyə o bildirib.
