“Neftçi” Konfrans Liqasının III təsnifat mərhələsinə yüksəlib.

Apasport.az saytının məlumatına görə, Bakı klubu Kipr təmsilçisi “Aris”i mübarizədən kənarlaşdırıb.

II təsnifat mərhələsinin səfərdəki ilk qarşılaşmasında gözlənilmədən 0:2 hesabı ilə uduzan Laurentsiu Regekampfın yetirmələri “Baksell Arena”da kambekə imza atıblar. İlk yarıda Qodsvey Donyonun qolu ilə azarkeşlərini ümidləndirən “Neftçi” fasilədən sonra darmadağını rəsmiləşdirib.

Öncə Eddi İsrafilov, ardınca Kenni Sayef də kiprlilərin qapısına yol tapıb. Bu böyükhesablı qələbə paytaxt təmsilçisini III təsnifat mərhələsinə daşıyıb.

Qeyd edək ki, bakılıların rəqibi “Rapid” – “Lexiya” duelində müəyyənləşəcək. Növbəti raundun görüşləri avqustun 4-də və 11-də baş tutacaq.

Konfrans Liqası

II təsnifat mərhələsi, cavab oyunu

28 iyul

21:00. “Neftçi” (Azərbaycan) – “Aris” (Kipr) - 3:0

Qollar: Qodsvey Donyo, 38, Eddi İsrafilov, 57, Kenni Sayef, 62

Qırmızı vərəqə: Morqan Braun, 82

Baş hakim: Bastian Donkert (Almaniya)

“Neftçi”: 1.İvan Brkiç, 3.Mamadu Mbodj, 4.Solomon Kvirkveliya, 6.Voislav Stankoviç, 19.Azər Salahlı, 8.Emin Mahmudov (k), 14.Eddi İsrafilov, 23. Ataa Caber, 5.Kenni Sayef, 24.Yusuf Laval, 11.Qodsvey Donyo

Ehtiyat oyunçular: 30.Aqil Məmmədov, 93. Rza Cəfərov, 7.Azər Əliyev, 16.Gilyerme Pato, 17.Rəhman Hacıyev, 20.Vüsal Əsgərov, 21.İsmayıl Zülfüqarlı, 26.Ömər Buludov, 27.Fərid Yusifli, 73.Ramin Nəsirli, 77. Yeqor Boqomolski, 82.Rüfət Abbasov

Baş məşqçi: Laurentsiu Reqekampf

“Aris”: 1. Vana, 8. Morqan Braun, 20. Stiv Yaqo, 31. Frants Brorsson, 13. Delmiro Evora Naşimento (k), 3. Kayu, 21. Mixlali Mayambela, 37. Julius Szoke, 14. Artur Yannik Qomis, 27. Martin Sloqar, 7. Leo Benqtsson

Ehtiyat oyunçular: 70. Mixalis Papastilianu, 90. Ellinas Sofroniu, 5. Kostas Pileas, 30. Aleks Mussunda, 9. Daniel Sikorski, 65. Yanis Dede Lomme, 58. Yevgeni Yablonski, 72. Floriss Djave, 80. Şavi Uorren Babiçka

Baş məşqçi: Aleksey Şpilevski

Bakı. “Bakcell Arena”

İlk oyun – 0:2