Almaniyanın müdafiə naziri Christine Lambrecht bildirib ki, Rusiyanın Ukraynaya hücumları davam etdiyi üçün Berlin gələcəkdə Kiyevi dəstəkləməyə hazırdır, lakin silah təchizatı baxımından “müharibədən əziyyət çəkən ölkəyə daha çox şey verə bilməyəcəyik”.

Bununla belə, Lambrecht vurğulayıb ki, Ukrayna Almaniyanın gələcəkdə də dəstəyini davam etdirmək niyyətinə əmin ola bilər.

Bizimyol.info xəbər verir ki, Almaniyanın Mullheim şəhərinə səfəri zamanı jurnalistlərə açıqlama verən Almaniyanın müdafiə naziri Christine Lambrecht keçən ay Almaniyanın Ukraynaya ilk silah raundunu, o cümlədən “Panzerhaubitze 2000” kimi qabaqcıl ağır silahlardan bəzilərini çatdırdığını söyləyib.

Almaniyalı nazir sözlərini belə davam etdirib: "Daha çox silah verə bilmərik, bunu çox açıq deyəcəyəm. Ukraynalı həmkarım da bundan xəbərdardır. Biz Ukraynaya bundan artığını verə bilmərik".

Qeyd edək ki, Almaniya kansleri Olaf Şolz da tez-tez Vladimir Putinlə yaxın münasibətlərinə görə tənqid edilir.

Bizimyol.info