Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Ukrayna Rusiya ərazisinə hücum edib, dinc əhali arasında ölənlər var" - Müdafiə Nazirliyi
"Ukrayna Rusiya ərazisinə hücum edib, dinc əhali arasında ölənlər var" - Müdafiə Nazirliyi

Kreml Rusiya-Ukrayna sərhədinin 50 kilometrliyində yerləşən Belqorod şəhərinə hücum edildiyini, 5 dinc sakinin öldüyünü açıqlayıb. Bu, Moskvanın müharibə zamanı Rusiyada mülki əhalinin itkiləri ilə bağlı ilk hesabatı idi.

Bizimyol.info xəbər verir ki, Rusiyanın Ukraynada apardığı elan olunmamış müharibə 130-cu gününü geridə qoyduğu bir vaxtda dünən gecə Rusiya torpaqlarına düşən raketlər ilk dəfə mülki vətəndaşların itkisinə səbəb olub. Rusiya Müdafiə Nazirliyi 5 mülki şəxsin həlak olduğu hücumda Kiyev administrasiyasını günahlandırsa da, Ukrayna tərəfi Moskvanın müharibəni daha şiddətli etmək üçün qanlı təxribat üçün öz xalqından istifadə etdiyini müdafiə edib.

Ukrayna müharibəsinə yeni rəng qatacaq narahatedici inkişaf ötən gecə baş verib. Rusiya ərazisində Ukrayna sərhədindən 50 kilometr aralıda yerləşən Belqorod şəhərində güclü partlayış səsləri eşidildikdən sonra şəhəri qara tüstü bürüməyə başlayıb.

Dünən səhər ilk rəsmi açıqlamanı verən Rusiya Müdafiə Nazirliyinin mətbuat katibi general İqor Konaşenkov Rusiya ərazisinə gecə hücumunun Ukrayna tərəfindən həyata keçirildiyini bildirib. Konaşenkov deyib: “Dünən gecə saat 03.00-dan 03.30-a qədər Ukrayna tərəfindən Rusiya ərazisindəki Kursk və Belqorod şəhərlərinə aviazərbə endirilib. Ukraynadan Belqorod şəhərinə atılan “Toçka-U” raketi hava hücumundan müdafiə bölmələrimiz tərəfindən vurulsa da, onun hissələri mülki yaşayış məntəqəsinə düşərək dağıntı və insan tələfatına səbəb olub. Partlayıcılarla yüklənmiş iki “Tu-143” pilotsuz uçuş aparatı Kursk şəhərinə göndərilib. Bu iki təyyarə Kursk şəhərinə yaxınlaşmazdan əvvəl havada məhv edilib. Belqorod vilayətinin qubernatoru Vyaçeslav Qladkov da gecə hücumu ilə bağlı açıqlama verib və bildirib ki, raketin düşməsi şəhərdə 5 mülki şəxsin ölümünə və onlarla insanın yaralanmasına səbəb olub”. Qladkov həmçinin bildirib ki, şəhərdə 11 çoxmərtəbəli və 39 birmərtəbəli evə ciddi ziyan dəyib.

Rusiyanın hücumla bağlı açıqlamasından az sonra Ukraynadan reaksiya açıqlaması gəlib. Odessa vilayətinin qubernatoru Sergey Bratçuk, Belqorod hadisəsinin Rusiyanın təxribatı olduğunu iddia edərək, "Ukrayna ordusu Rusiya torpaqlarında heç bir mülki yaşayış məntəqəsini hədəf olaraq görmür" deyə bildirib.

Bu arada Rusiyanın müdafiə naziri Sergey Şoyqu Rusiya prezidenti Vladimir Putinə Ukraynada hərbi əməliyyatın məqsədlərindən birinin tam şəkildə həyata keçirildiyini bildirib. Şoyqu bildirib ki, Donbas bölgəsindəki Lisiçensk şəhəri Rusiya qüvvələrinin nəzarətinə keçdikdən sonra bütün Luqansk Xalq Respublikası qanuni əyalət sərhədlərinə qədər Ukrayna qüvvələrindən təmizlənib.

Ukrayna ordusu cənub cəbhəsində səfərbər olub. Ukrayna Müdafiə Nazirliyi açıqlamasında Xerson, Zaparojye və Mikolayev vilayətlərində əks-hücum edildiyini bildirib. O, gecə saatlarında işğal altında olan Melitopol şəhərində çoxlu sayda hərbi texnikanın məhv edildiyini bir neçə hava hücumu təşkil etdiyini açıqlayıb.

Leyla, Bizimyol.info

Paylaş »
Son xəbərlər
Bütün xəbərlər »