Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Yunanıstanda həyəcan: "Ərdoğan göstərdi ki, bizi gərgin yay ayları gözləyir"
Yunanıstanda həyəcan: "Ərdoğan göstərdi ki, bizi gərgin yay ayları gözləyir"

Yunanıstan cəbhəsindən gələn açıqlamalarla bir müddətdir Ankara-Afina xəttində gərginlik artır. Yunanıstanda gündəm NATO-nun kritik sammitindən istədiyini bir daha əldə edən Türkiyədir. Türkiyə prezidenti Ərdoğanın sözlərini manşetdə verən Yunanıstan qəzeti qalmaqallı açıqlamalara yer verib.

Bizimyol.info xəbər verir ki, İspaniyanın Madrid şəhərində keçirilən kritik NATO sammitinin əks-sədaları davam edir. Dünya mətbuatının “Türkiyə vətənə zəfərlə döndü” başlığı ilə gördüyü zirvə Türkiyənin əhəmiyyətini bir daha göstərdi. Zirvədəki bu hadisələr Yunanıstan mətbuatında geniş əks-səda doğurdu.

Bu ölkənin “Ta Nea” qəzeti Ərdoğanın Madriddə keçirilən sammitin son günündəki açıqlamalarını manşetinə çıxarıb. “Ərdoğan yenə təxribat etdi” başlıqlı xəbərdə qalmaqallı açıqlamalar yer alıb. "Türkiyə prezidenti Yunanıstana qarşı təxribatlara qayıdıb və göstərdi ki, bizi Yunanıstan-Türkiyə münasibətlərində gərgin yay ayları gözləyir", - deyə xəbərdə deyilir.

Zirvənin ilk günündə adalar məsələsinin gündəmdə olmadığını bildirən qəzet “sakitliyin bir gün davam etdiyini” şərh edib. Sözügedən xəbər qəzetin internet səhifəsinin ilk manşetində yer alıb.

Xatırladaq ki, Ərdoğan dünənki açıqlamasında Yunanıstanın baş naziri Miçotakisin rəftarı ilə bağlı “Yunanıstanın son rəftarı bizim siyasət anlayışımıza uyğun gəlmir. Bu yaxınlarda xüsusilə İstanbulda ona verdiyim şam yeməyindən sonra bir təklif etdim. Mən dedim ki, bundan sonra aramızda olan münasibətləri ikitərəfli edək, üçüncü şəxsləri aramıza salmayaq. Amma buna baxmayaraq, o, Amerikada Respublika Senatındakı çıxışı ilə iki həftə, üç həftə sonra bizim razılaşmamızı tamamilə ləğv etdi. O, təkcə bununla da qalmadı, Davosda da eyni şeyi etdi. Onunla da qalmadı, adalara xüsusi səfərlər etdi və bu xüsusi ziyarətlərlə silahlanmaya getməyə səy göstərdi. Bu hərəkət həm Lozanna, həm də Paris razılaşmalarına ziddir. Siz onları silahlandıra bilməzsiniz. Amma Yunanıstan belə bir addım atıb.

Mənim xalqım bunları udmur. Niyə? Adamdan soruşurlar ki, niyə? Çünki biz sülhün hökm sürdüyü bir dünya qurmağa hazırlaşırıqsa, o zaman bu addımlar niyə atılır? Təbii ki, biz ona müsbət baxmırıq və bunu ikitərəfli görüşlərimizdə liderlərə demişik”,- deyə bildirib.

Yunanıstanın Türkiyə hava məkanını 147 dəfə pozduğunu vurğulayan Ərdoğan "147 dəfə hava məkanımızı pozan Yunanıstan buna görə cavab verməlidir" deyib.

Digər tərəfdən, ABŞ prezidenti Baydenin”Türkiyəyə F-16 satmalıyıq” açıqlaması dünən Amerika mətbuatında geniş yer aldı. “Wall Street Journal” (WSJ) bu inkişafı “NATO-nun genişlənməsi zamanı Türkiyəyə F-16-ların satışının arxasında Bayden dayanıb” başlığı ilə oxucularına açıqlayıb. WSJ hesabatında Baydenin Türkiyənin NATO-dan vetosunu geri götürməsindən sonra bu açıqlamanı verdiyi vurğulanıb.

Qeyd edək ki, Yunanıstanın baş naziri Miçotakisin ABŞ-da verdiyi bəyanatdan sonra Türkiyə ilə Yunanıstan arasında münasibətlər gərginləşib. Mitsotakis adını vermədən Türkiyəyə toxunaraq, “Yunanıstan qonşularına dostluq əli uzadır. Bununla belə, suverenliyimizin, suveren hüquqlarımızın pozulmasına və Yunanıstan adaları üzərindən həddindən artıq uçuşlara dözməyəcəyik və dərhal dayandırılmalıdır. Sizdən Konqres üzvlərindən xahiş edirəm ki, regionda silah satışı ilə bağlı qərarlar qəbul edərkən NATO-nun cənub-şərq cinahında yeni qeyri-sabitlik təhlükəsini nəzərə alın”,-deyə bildirib. Miçotakis bu sözlərlə dolayı yolla F-16 təyyarələrinin Türkiyəyə satışına icazə verməməyi tələb edib.

Mitsotakis Avropa Xalq Partiyasının 27-ci Konqresi çərçivəsində Rotterdamda keçirilən paneldə də Türkiyə əleyhinə açıqlamalar verib. Yunanıstan mətbuatının yazdığına görə, Mitsotakis Türkiyəyə toxunaraq “gərginlik dövründə yaşayırıq, tarixdə revizionizmin yeni versiyasına, itirilmiş imperiyalar haqqında fantaziyalara və beynəlxalq hüquqa uyğun gəlməyən güc nümayişinə dözə bilmərik. Biz suveren hüquqlarımızın pozulmasına razı olmayacağıq. Hazırda NATO-nun cənub-şərq cinahında ehtiyacımız olan son şey gərginlikdir. Rusiyada kimsə belə bir şeyə çox sevinər”,- deyə bildirib.

Leyla, Bizimyol.info

Paylaş »
Son xəbərlər
Bütün xəbərlər »