Gücləndirilmiş parlament sistemini dəstəkləyən 6 müxalifət partiyasının liderləri seçkilərlə bağlı yol xəritəsinə dair əldə edilən irəliləyişləri və qarşıdan gələn proseslə bağlı görüləcək işləri müzakirə etmək üçün bazar günü axşam beşinci dəfə bir araya gələcək.
Bizimyol.info xəbər verir ki, bu çərçivədə liderlərin masasında “gücləndirilmiş parlament sisteminin konstitusiyası” olacaq. Bu görüşdə “vahid namizədin adı” və “seçki ittifaqı” məsələlərində konkret addım gözlənilməsə də, CHP-nin kulislərində “namizədin adı deyil, təsviri bəlli olacaq” şərhi verilir.
CHP sədri Kamal Kılıçdaroğlu, Səadət Partiyasının sədri Təməl Karamollaoğlu, DEVA Partiyasının sədri Əli Babacan, Gələcək Partiyasının sədri Əhməd Davudoğlu və Demokrat Partiyasının sədri Gültekin Uysal bazar günü axşam İYİ Partiyanın sədri Meral Akşenerin ev sahibliyi ilə bir araya gələcək.
Bizimyol.info