Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Aİ-nin xüsusi nümayəndəsi Azərbaycan-Ermənistan mütəxəssislərinin sülh səylərini alqışlayıb
Aİ-nin xüsusi nümayəndəsi Azərbaycan-Ermənistan mütəxəssislərinin sülh səylərini alqışlayıb

Avropa İttifaqının (Aİ) Cənubi Qafqaz üzrə xüsusi nümayəndəsi Toyvo Klaar Azərbaycan və Ermənistandan olan mütəxəssislərin Cənubi Qafqazda sülh və firavan gələcəyə doğru davam edən səylərini alqışlayıb.

Bu barədə “Report” xarici mətbuata istinadən xəbər verir.

O, Ermənistan-Azərbaycan münasibətlərinin gələcəyi ilə bağlı müzakirələrin çoxsaylı çağırışlar və yüksək emosiyalarla müşayiət olunduğunu etiraf edib. Toyvo Klaar tərəfələrin dialoq qurmaq, etimad yaratmaq səylərini davam etdirmək əzmini alqışlayıb.

Aİ-nin xüsusi nümayəndəsi qeyd edib ki, erməni və azərbaycanlı mütəxəssislərin Cənubi Qafqazda sülh və firavan gələcəyə doğru davam edən səylərini təqdir edir.

Avropa İttifaqının (Aİ) Cənubi Qafqaz üzrə xüsusi nümayəndəsi bununla Aİ-nin davamlı sülhə sadiqliyini bir daha təsdiqləyib.

Qeyd edək ki, iyunun 29-30-da Gürcüstanın Kaxreti şəhərində Avropa İttifaqının (Aİ) dəstəyi ilə keçirilən “dəyirmi masa”da erməni və azərbaycanlı mütəxəssis bir araya gəlib. Onlar Aİ, Birləşmiş Millətlər Təşkilatı və Avropada Təhlükəsizlik və Əməkdaşlıq Təşkilatından olan həmkarları ilə birlikdə dinc Cənubi Qafqazın gələcəyi üçün mümkün ssenariləri müzakirə ediblər.

Müzakirələr iqtisadiyyat və kommunikasiyalar, təhlükəsizlik, idarəetmə və mədəniyyət siyasəti sahələrində ssenariləri əhatə edib və uzun müddətli bir çox problemin həlli perspektivlərini yaxşılaşdırmaq üçün milli hökumətlər, vətəndaş cəmiyyəti və xarici aktorlar tərəfindən atılacaq mümkün addımlar qiymətləndirilib.

Paylaş »
Son xəbərlər
Bütün xəbərlər »