Rusiyanın Ukraynaya hücumları davam edərkən ABŞ -ın ədliyyə naziri Merrik Qarland gözlənilmədən Ukraynaya səfər edib.

Bizimyol.info xəbər verir ki, xarici medianın verdiyi məlumata görə, Qarland baş prokuror İrina Venicetova ilə görüşüb və ABŞ və digər ölkələrin Ukraynada “müharibə cinayətlərində əli olan şəxslərin müəyyən edilməsi, həbsi və mühakimə olunmasına” kömək etmək səylərini müzakirə edib.

ABŞ-ın bu səfərini Rusiyanın haqsız işğalının ortasında Ukrayna xalqına sarsılmaz dəstəyini ifadə etmək üçün etdiyini bildirən Qarland, “ABŞ açıq mesaj verir. Gizlənməyə yer yoxdur. Biz və tərəfdaşlarımız bu vəhşiliklərə görə məsuliyyət daşıyanları məsuliyyətə cəlb etmək üçün mümkün olan bütün vasitələrdən istifadə edəcəyik”,- deyə əlavə edib.

ABŞ-ın Rusiyanın Ukraynada törətdiyi hərbi cinayətləri araşdırmaq üçün Müharibə Cinayətləri İstintaq Komitəsi qurduğunu açıqlayan Qarland sözügedən qrupun insan hüquqlarının pozulması və müharibə cinayətləri ilə bağlı araşdırmalarda ekspertlərdən ibarət olacağını və ona rəhbərlik edəcəyini bildirib. O, ABŞ Ədliyyə Nazirliyinin ən məşhur nasist ovçusu Eli Rosenbaum gətiriləcəyini də açıqlayıb.

Ədliyyə Departamentinin məlumatlarına görə , İnsan Hüquqlarının Tətbiq Strategiyası və Siyasəti Direktoru vəzifəsində və 36 il Ədliyyə Nazirliyində çalışmış Rosenbaum 100-dən çox işdə nasistlərin soyulması və ya deportasiya edilməsində nazirliyə kömək etmişdir.

Qarland bəyan edib ki, Ədliyyə Nazirliyi Avropa və Yaxın Şərq ölkələrinə, eləcə də Ukraynaya Rusiyanın qlobal sanksiyalardan yayınma səyləri ilə mübarizədə məsləhət vermək üçün üç prokuror göndərəcək.

Qeyd edək ki, Qarland Ukraynaya səfər edən sonuncu ABŞ rəsmisi olub.

Xatırladaq ki, ABŞ dövlət katibi Antoni Blinken və ABŞ müdafiə naziri Lloyd Ostin ötən aprel ayında paytaxt Kiyevdə Ukrayna prezidenti Vladimir Zelenski ilə görüşüb.

Leyla, Bizimyol.info