Ukrayna Silahlı Qüvvələri Luqansk vilayətinin regional mərkəzi yaxınlığındakı şəhər tipli Metelkino qəsəbəsinə artıq nəzarət etmir.

Bizimyol.info xəbər verir ki, bu barədə Luqansk vilayət rəhbəri Serhi Qayday məlumat verib.

"Severodonetsk və Lisiçansk ətrafındakı bir çox kəndlərdə döyüşlər gedir. Təəssüflər olsun ki, indi biz vilayət mərkəzinə yaxın olan "Metelkino"ya nəzarət etmirik", - o deyib.

Bundan əlavə, Rusiya hərbçiləri artilleriya və hava hücumlarını gücləndirib.

"Ruslar Severodonetsk sənaye zonasını və şəhərin kənarlarını güclü şəkildə atəşə tutur. Toşkovka və Ustinovka ərazilərində də eyni güclə hücum davam edir. Rus qoşunları orada da irəliləməyə cəhd etmək istəyirlər və bunun üçün əraziyə böyük miqdarda texnika gətirilib”, - deyə vilayət rəhbəri əlavə edib.

Qaydayın sözlərinə görə, işğalçılar “sürünən” taktikalardan istifadə etməkdə və bütün mümkün silahlarla Luqansk vilayətini məhv etməkdə davam edirlər. "Buna baxmayaraq, mülki əhalinin təxliyəsi davam edir. Lisiçanskdan hərbi idarə işçilərinin, polis əməkdaşlarının, xilasedicilərin və könüllülərin qüvvələri tərəfindən “sakit” təxliyə aparılır. Aktiv döyüşlərin davam etdiyi yaşayış məntəqələrindən insanlar hərbçilər tərəfindən zirehli texnika ilə çıxarılır”, - Qayday əlavə edib.

Ukrayna mətbuatının verdiyi məlumata görə, iyunun 18-də səhər saatlarından məlum olub ki, ruslar Severodonetskə bir neçə istiqamətdən hücum edir. Şəhərin özündə şiddətli küçə döyüşləri gedir, lakin vilayət administrasiyasının rəhbəri Sergey Qaydayın sözlərinə görə, işğalçılar şəhərə tam nəzarət etmirlər.

Rayon mərkəzində eləcə də Toşkovka, Zolotoe, Sirotino və Metelkinoda kəndlərində əhəmiyyətli dağıntılar var.

İyunun 18-də axşam saatlarından məlum olub ki, rus işğalçıları Severodonetsk yaxınlığındakı kəndlərə basqın edərək. İşğalçılar Metelkino kəndində uğur qazanıb, əsgərlərimiz Sirotino istiqamətində davam edən hücumu dəf ediblər.

İyunun 19-da məlum olub ki, bölmələrimiz Toşkovka qəsəbəsi ərazisində hücumu dəf edib. Düşmən geri çəkilib və yenidən qruplaşır.

Qadir, Bizimyol.info