Almaniyanın "Uniper" enerji konserni Rusiyadan müqavilədə nəzərdə tutulduğundan 25 faiz az qaz alıb.

Bizimyol.info xəbər verir ki, bu barədə çərşənbə günü "Bloomberg" agentliyi şirkət nümayəndəsinin məktubuna istinadən məlumat yayıb.

Agentliyin məlumatına görə, “Qazprom” “Şimal axını” ilə qaz nəqlini kəsdikdən sonra Rusiya qazının həcmi azalıb. "Uniper"in verdiyi məlumata görə, şirkət indiyədək çatışmayan qaz həcmlərini başqa mənbələrdən tədarüklə əvəz etməyə nail olub.

Çərşənbə axşamı "Qazprom" qaz nasos aqreqatlarının "Siemens" tərəfindən təmirdən vaxtında geri qaytarılmaması və mühərriklərdə aşkar edilmiş texniki nasazlıqlar səbəbindən "Şimal axını" ilə qaz nəqlini planla müqayisədə azaltmaq məcburiyyətində qaldığını açıqlayıb. Bununla əlaqədar olaraq, “Qazprom” qaz kəməri ilə nəqli sutkada 167 milyon kubmetr planla müqayisədə yalnız 100 milyon kubmetrə qədər azalna bilər.

Qazprom, Şimal axını qaz kəmərində başqa bir "Siemens" qaz turbin mühərrikinin işini təmirlə əsaslı təmirlər arasındakı vaxtın bitməsi səbəbindən dayandırmaq məcburiyyətində qaldığını açıqladı. Nəticədə, iyunun 16-na keçən gecədən nəqletmə daha üçdə bir azalaraq sutkada 67 milyon kubmetrə enəcək.

“Siemens Energy” iddia edir ki, “Şimal axını” üçün qaz turbinlərindən biri təmirdən sonra Kanadanın Rusiyaya qarşı sanksiyaları səbəbindən hələ də Monrealdan Almaniyaya qaytarılmayıb.

Qeyd edək ki, fevralın 24-də prezident Vladimir Putinin qəbul etdiyi qərarla Rusiya Ukraynaya qarşı müharibəyə başlayıb. Bundan sonra dünyanın əksər dövlətləri Rusiyaya qarşı sanksiya tətbiq etməyə qərar veriblər. Bu sanksyalar dünyada iqtisadi balansın pozulmasına səbəb olur.

Qadir, Bizimyol.info