Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
ABŞ-dan Şimali Koreyaya kəskin xəbərdarlıq
ABŞ-dan Şimali Koreyaya kəskin xəbərdarlıq

ABŞ dövlət katibi Antoni Blinken və Cənubi Koreyanın xarici işlər naziri Park Jin ABŞ-ın paytaxtı Vaşinqtonda görüşüblər.

Bizimyol.info xəbər verir ki, Blinken keçirdiyi birgə mətbuat konfransında Şimali Koreyanın nüvə sınaqlarını davam etdirəcəyi təqdirdə ABŞ-ın müttəfiqləri ilə tez cavab verəcəyini və Şimali Koreya kursunu dəyişənə qədər ABŞ-ın Şimali Koreyaya təzyiqlərini davam etdirəcəyini bildirib.

"Biz Koreya yarımadasının nüvəsizləşdirilməsini davam etdirəcəyik. Mən bildirmək istəyirəm ki, ABŞ-ın Şimali Koreyaya qarşı qətiyyən düşmənçilik niyyəti yoxdur. Biz ilkin şərt olmadan dialoqa açığıq. Biz Şimali Koreya xalqına, o cümlədən "COVID-19" vaksinlərinə dəstək olmaq istəyirik. Sadəcə olaraq, məqsədimiz Pxenyandakı rejim kursu dəyişənə qədər təzyiqləri davam etdirməkdir", - deyə Blinken bildirib.

Blinken, Cənubi Koreya və ABŞ-ın Hind-Sakit Okean iqtisadi çərçivəsini və Rusiyanı inkişaf etdirməli olduğunu əlavə edərək: "Şimali Koreya belə bir sınağı davam etdirərsə, vaxtında cavab vermək üçün Cənubi Koreya, Yaponiya və digər müttəfiqlərimiz və tərəfdaşlarımızla sıx əlaqə saxlayırıq", - deyib. O, həmçinin Ukraynanın işğalı kimi qlobal təhlükəsizlik məsələlərinə diqqət yetirdiyini bildirib.

Cənubi Koreyanın xarici işlər naziri Park verdiyi açıqlamada Şimali Koreyanın nüvə sınaqları da daxil olmaqla istənilən təxribatına vahid və qəti cavab veriləcəyini bildirib. "Biz nazir Blinkenlə növbəti təxribatların mümkünlüyü, eləcə də Şimali Koreyanın son raket sınaqları ilə bağlı fikirlərimizi bölüşürük. Bu qərara gəldik ki, Şimali Koreyanın istənilən təxribatı, o cümlədən nüvə sınağı alyansımızın vahid və beynəlxalq ictimaiyyətin qəti cavabı ilə qarşılanacaq", - deyə Park bildirib.

"Biz Şimali Koreyanın nüvə silahından istifadə ilə bağlı getdikcə aqressiv ritorikasından xüsusi narahatlığımızı ifadə etmişik. Biz razılaşdıq ki, Şimali Koreya məsələsi ABŞ və Cənubi Koreya üçün əsas siyasət prioritetlərindən biridir", deyə o qeyd edib.

Qadir, Bizimyol.info

Paylaş »
Son xəbərlər
Bütün xəbərlər »