“Ukraynadakı tammiqyaslı müharibə və dağılmış infrastruktur, artan yay temperaturu ilə birlikdə vəba kimi kəskin yoluxucu xəstəliklərin riskini artırır. Düzgün müalicə olmadıqda vəba hətta ölümlə nəticələnə bilər”.
Bizimyol.info xəbr verir ki, bu sözlər sosial media hesablarında paylaşılıb və ukraynalıların yoluxucu xəstəliklərlə üz-üzə qalacaqları bildirilib. Hətta Ukaraynada içməli suların vəba xəstəlikləri ilə dolu olduğu və sudan düzgün istifadə ilə bağlı məlumatlar da yayılıb.
"Vəba insandan insana nəcis-oral yolla, daha çox çirklənmiş su, tərəvəz, meyvə, çimmək, həmçinin qida və məişət təmasları ilə ötürülür. Vibrio vəba uzun müddət suda və ya yeməkdə otaq temperaturunda 2-5 gün, tərəvəz və meyvələrdə 8 saat yaşaya bilər. Bakteriyalar ən uzun müddət dəniz suyunda - iki həftədən, bəzi dəniz və çay balıqlarının bağırsaqlarında isə bir neçə ay yaşayır. Vaxtlı müalicə ilə vəbanın yüngül forması tam sağalma ilə başa çatır. 2-3 gün ərzində effektiv terapiya olmadıqda, nəticələnə bilər”,-deyə bildirilib.
“Kyivvodokanal” sosial şəbəkələrdə yayılan suda vəba xəstəliyinin olması ilə bağlı saxta xəbəri təkzib edib. Agentlik bildirib ki, Kiyevdə kran suyunun keyfiyyəti sanitar normalara cavab verir. Bu məlumatı Kiyev Şəhər Dövlət Administrasiyası da təsdiqləyib.
“Hazırda şəbəkə suda vəba səbəbiylə mümkün vəba epidemiyası ilə bağlı saxta məlumatlar yayır. Yazılarda deyilir ki, hətta dişləri fırçalamaq və meyvə və tərəvəzləri yumaq yalnız qaynadılmış su ilə aparılmalıdır",- deyə Kyivvodokanal yazır.
“Kyivvodokanal” iddia edir ki, vəba ilə bağlı saxta informasiyalar sabitliyi pozmaq və ukraynalılar arasında panika yaratmaq məqsədi daşıyır. Bildirilir ki, içməli suyun keyfiyyətinə epidemik təhlükəsizlik göstəriciləri və sanitar-kimyəvi təhlükəsizlik göstəriciləri ilə nəzarət edilir.
“Hazırda DSanPiN 2.2.4-171-10-dan heç bir sapma yoxdur, kran suyu kifayət qədər təhlükəsizdir. Bütün su təchizatı qurğuları normal rejimdə işləyir, suyun təmizlənməsi prosesləri müəyyən edilmiş qaydada aparılır" , -deyə Kiyev Şəhər Dövlət Administrasiyasından bildiriblər.
Leyla, Bizimyol.info
