Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Slavyanska və Severodonetski istiqamətlərində ağır döyüşlər gedir - Baş Qərargah
Slavyanska və Severodonetski istiqamətlərində ağır döyüşlər gedir - Baş Qərargah

Rusiya işğalçıları Donetsk vilayətinin Boqorodiçnoye kəndi üzərində tam nəzarəti bərqərar etməyə çalışırlar.

Bizimyol.info xəbər verir ki, bu barədə Ukrayna Silahlı Qüvvələri Baş Qərargahının 14 iyun 2022-ci il tarixinə olan səhər xülasəsində deyilir.

"Slavyansk istiqamətində işğalçılar əsas səylərini Boqorodiçne yaşayış məntəqəsinə tam nəzarəti bərqərar etməyə və Slavyanskaya qarşı hücumun genişlənməsi üçün şərait yaratmağa çalışırlar. Düşmən Dibrivnoye, Karnauxovka, Novaya Dmitrovka və Virnopillya yaxınlığında artilleriyadan istifadə edir", - deyə hesabatda qeyd edilir.

Xarkov istiqamətində düşmən əsas səylərini mövqe müdafiəsini həyata keçirməyə və Müdafiə Qüvvələrinin bölmələrinin sərhədə daha da irəliləməsinin qarşısını almağa yönəldir. İşğalçılar Rubijne, Rus Lozovaya, Bayrak və Dementyevka yaşayış məntəqələri ərazilərində atəşə tutuldular, xüsusən də ordu aviasiyasından istifadə etdilər.

Liman istiqamətində işğalçılar Liman-Rayqorodok və Yampol-Seversk istiqamətlərində hücumu inkişaf etdirmək üçün qoşunları yenidən qruplaşdırırlar.

Rus işğalçıları ukraynalı müdafiəçiləri Severodonetskin mərkəzindən çıxarmağa nail olublar. Bu barədə Müharibə Tədqiqat İnstitutu (ISW) məlumat yayıb.

Rusiya qüvvələri Severodonetsk və Lisiçanski birləşdirən körpünü dağıdıb. Eyni zamanda, işğalçılar Popasna və Baxmut bölgələrində Ukraynanın yerüstü rabitə xətlərini kəsə bilməyiblər.

ISW qeyd edir ki, Rusiya ordusu İzyumun cənub-şərqinə və Slovyanskın şimalına uğursuz hücum həyata keçirib. Ehtimal ki, işğalçılar Severskə və Ukraynanın şimal-qərbindən Lisiçanska olan quru xətlərinə hücum üçün şərait yaradırlar. Bundan əlavə, Rusiya qüvvələri Ukrayna qüvvələrini sıxışdırıb çıxarmaq üçün Xarkovdan şimal-şərqə doğru irəliləyir.

Xerson istiqamətində Davydov Brod uğrunda döyüşlər gedir.

Qadir, Bizimyol.info

Paylaş »
Son xəbərlər
Bütün xəbərlər »