Putini belə böyük itkilər dayandırmır, çünki o, hərbi deyil, siyasi məqsədləri rəhbər tutur.

Bizimyol.info Ukrayna mətbuatına istinadla xəbər verir ki, bu barədə Ukraynalı general-leytenant İqor Romanenko danışıb. O, iddia edir ki, Rusiya qoşunlarının qruplaşdırılmasında komandanlıq və nəzarət zəif təşkil olunub. Xüsusilə Ukrayna Silahlı Qüvvələri tərəfindən Ukraynada Rusiya generallarının məhv edilməsi bunu sübut edir.

General bildirib ki, orta və kiçik rütbəli zabitlər öhdəsindən gələ bilmədiyi üçün generallar komanda-nəzarət məntəqələrini cəbhə xəttinə yaxınlaşdırmağa məcburdurlar. Romanenko vurğulayıb ki, Rusiya Federasiyasının uçuş heyətində böyük itkilər var. Onun sözlərinə görə, Putin müharibədə "qızıl pilotları"nı itirir.

"Pilotların sinifləri var - üçüncü, ikinci, birinci və usta. Sonra başqa bir snayper pilotu. Ən yaxşı təlim keçmiş pilotlar qırıcıları idarə edir. Snayper pilotu yetişdirmək üçün və sonra onun hazırlıq səviyyəsini qoruyub saxlamaq üçün sanki onu qızıldan töküblərmiş kimi pul xərcləmək lazımdır. Onları itirmək Putin üçün maraqlı deyil”,- deyə o vurğulayıb.

General həmçinin əlavə edib ki, Ukraynanın cənubunda və şərqində ikinci hücum əməliyyatı başlamazdan əvvəl Putin şəxsi heyətdə ən azı 5:1 qüvvələr balansının formalaşdırılması vəzifəsini qoyub. Hərbçilər 3:1 hesablı ola biləcəklərini desələr də, realda 1.7-dən 1-ə qədər formalaşa biliblər.

"Rusiya Federasiyası silahlı qüvvələrinin qruplaşmasının vəziyyətinə əsasən, ordu Putinin siyasi məqsədlərinin həyata keçirilməsini artıq təmin edə bilmir. Baxmayaraq ki, bu qruplaşmanın potensialı hələ də Ukrayna Silahlı Qüvvələrinin hərbi potensialını üstələyir. Onlar yavaş-yavaş irəliləməyi bacarırlar. Lakin biz əsas vəzifəni yerinə yetiririk, onların kadrlarını, texnikasını məhv edirik, bu potensialı azaldırıq”,- deyə Romanenko bildirib.

Qeyd edək ki, Ukrayna Silahlı Qüvvələri Baş Qərargahının son məlumatına görə, Rusiya qoşunlarının Ukraynadakı ümumi itkiləri artıq 33 min təşkil edir.

Türkan, Bizimyol.info