Türkiyənin milli müdafiə naziri Hulusi Akar Silahlı Qüvvələrin ən böyük təlimlərindən biri olan “EFES-2022” təlimini izləmək üçün bu ölkəyə səfər gələn Azərbaycanın müdafiə naziri general-polkovnik Zakir Həsənovla görüşüb.

APA-nın verdiyi xəbərə görə, bu barədə Türkiyə Milli Müdafiə Nazirliyindən bildirilib.

Görüş zamanı ikitərəfli və regional müdafiə və təhlükəsizlik məsələləri, xüsusilə hərbi təlim sahəsində əməkdaşlıq və müdafiə sənayesi ilə bağlı fikir mübadiləsi aparılıb.