Bizimyol.info xəbər verir ki, bu barədə "Reuters" məlumat verib.

ABŞ Nəqliyyat Departamenti (USDOT) bu barədə əmri dövlət katibi Antoni Blinkenin tələbi əsasında verib və o, bu aksiyanın “Kuba xalqına dəstək və ABŞ-ın xarici siyasət maraqlarına uyğun” olduğunu bildirib. Keçən ay Ağ Ev Kubaya qarşı siyasətin daha geniş nəzərdən keçirilməsinin bir hissəsi kimi planlaşdırılan addım atacağı bildirmişdi. Qeyd edilib ki, uçuş məhdudiyyətlərinin aradan qaldırılması dərhal qüvvəyə minib.

Tramp administrasiyası ABŞ-ın Kuba hökumətinə iqtisadi təzyiqini artırmaq məqsədilə 2019 və 2020-ci illərdə bir sıra aviasiya məhdudiyyətləri tətbiq etmişdi. Bunlara ABŞ aviadaşıyıcılarının Havanadan kənarda Kubadakı səkkiz beynəlxalq hava limanına, o cümlədən Camaguey, Cayo Coco, Cayo Largo, Cienfuegos, Manzanillo, Matanzas və Santiago de Kubada uçuşlara qadağa qoyulması daxil idi. Prezident Donald Trampın dövründə USDOT Kubaya çarter reyslərinə ildə 3600 məhdudiyyət qoyub və daha sonra Kubaya özəl çarter reyslərini dayandırılıb. Departament, həmçinin Havana istisna olmaqla, Kubanın bütün hava limanlarına çarter reyslərini də qadağan etmişdi.

Daha sonra dövlət katibi Mayk Pompeo: "Kuba Venesuelaya hərbi-siyasi müdaxilələri maliyyələşdirmək üçün turizm və səyahət fondlarından istifadə edir. Diktatorların ABŞ-ın səyahət vasitələrindən faydalanmasına icazə verilə bilməz", - deyə bildirmişdi.

Trump-ın rəhbərliyi altında USDOT, "təcili tibbi məqsədlər, axtarış - xilasetmə eləcə də Birləşmiş Ştatların maraqlarına uyğun hesab edilən digər səyahətlər üçün" Havanaya və digər səlahiyyətli çarter uçuşlarına icazə verdi.

ABŞ aviaşirkətlərinin tam uçuşlar və bəzi işçi çatışmazlığı ilə üzləşdiyi bir şəraitdə Kubaya neçə yeni reysin əlavə oluna biləcəyi bəlli deyil. Sərəncamın nəticəsi olaraq, USDOT fövqəladə istisnalar və Havana ictimai çarter uçuşlarının ayrılması üçün gözlənilən ərizələri rədd edib.

Qadir, Bizimyol.info