"Real" Məhəmməd Salahı transfer edir. Fanat.Az xarici mediaya istinadən yazır ki, "Liverpul" 25 yaşlı futbolçunun menecerinə "Kral Klubu" ilə danışıqlara başlamağa icazə verib.

İddiaya görə, artıq transferin məbləği də açıqlanıb. "Real" Misir yığmasının üzvü üçün "Liverpul"a 100 milyon avro ödəyəcək.

Qeyd edək ki, "Liverpul" Salahı yayda "Roma"dan 42 milyon avroya alıb. 25 yaşlı yarımmüdafiəçi cari mövsümdə keçirdiyi 27 rəsmi oyunda 21 qol vurub.