Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
İkibaşlı oyun, yaxud Almaniya Ukraynaya silah göndərilməsini niyə gecikdirir
İkibaşlı oyun, yaxud Almaniya Ukraynaya silah göndərilməsini niyə gecikdirir

Almaniya Bundestaqının deputatı, müxalif Xristian Demokratlar İttifaqının nümayəndəsi Roderic Kizevetter ARD telekanalının efirində Almaniya hökumətinin Ukraynaya ağır silahların tədarükünü gecikdirməsini kəskin tənqid edib.

Bizimyol.info xarici mətbuata istinadla xəbər verir ki, Almaniya hərbi-sənaye kompleksi hələ fevral ayında Ukrayna üçün 100 Gepard özüyeriyən zenit silahı və 100 Marder piyada döyüş maşınının hazırlanması üzərində işə başlamağa hazır idi. Lakin hökumətin əmri gəlmədi. Şolzun niyə bunu etmədiyini soruşduqda, Kiesevetter belə cavab verib: "Məncə, o, zamanla oynayır".

Mayın əvvəlində XDİ lideri Fridrix Merzlə Kiyevə səfər edən Kizevetter bildirmişdi ki, kansler Ukraynanın bu müharibədə qalib gəlməsini istəmir.

“Yəni qələbə dedikdə o, Rusiya qoşunlarının ölkədən çıxarılmasını istəmir”,- deyə o, bildirmişdi.

Xatırladaq ki, Kizevetter istefada olan polkovnikdir. Əvvəllər Bundesverin bir neçə xarici missiyasında iştirak etmiş, bir batalyona komandirlik edib.

Qeyd edək ki, 21 aprel 2022-ci ildə Bild qəzeti Şolzun bütün ağır silahları Berlinə göndərilən Ukrayna Silahlı Qüvvələrinin ehtiyacları siyahısından çıxardığını yazmışdı. Lakin aprelin 28-də Bundestaq hələ də Ukraynaya ağır silahların verilməsini təsdiqləyib. Mayın 11-də Ukrayna səfiri Melnik deyib ki, Bundestaqın qərarı tarixidir, lakin onun icrası bir çox bürokratik maneələrlə üzləşir.

Melnik Ukraynanın “təkcə köhnə, istismardan çıxarılan silah sistemlərinə ehtiyacı olmadığını” və “bu müharibədə yalnız ən müasir alman hərbi texnikası ilə qalib gələ biləcəyini” vurğulayıb. Səfir açıq şəkildə bildirib ki, Almaniyanın çətin vəziyyətindən xəbərdardır. O, kömək etməyə hazır olduğunu bildirir və eyni zamanda müharibəyə cəlb olunmaqdan qorxur.

"Biz Almaniyada yüz minlərlə ukraynalının səmimi qəbuluna görə minnətdarıq. Mən başa düşürəm ki, heç kim müharibəyə cəlb olunmaq və ya Putini nüvə zərbəsinə sövq etmək istəmir. Amma məncə, bunlar şişirdilmiş qorxulardır",- Melnik bildirib.

Qeyd edək ki, Almaniyanın ilk 15 özüyeriyən zenit silahı "Gepard" iyul ayından gec olmayaraq Ukraynada olacaq.

İlahin, Bizimyol.info

Paylaş »
Son xəbərlər
Bütün xəbərlər »