Almaniyanın keçmiş baş nazirlərindən Gerhard Şröder Rusiya ilə münasibətlərinə görə təqaüdçü baş nazir kimi bəzi imtiyazlarını itirib.

1998-2005-ci illərdə baş nazir olan Şröderin imtiyazları Putinlə yaxın dostluğu və Rusiyanın Ukraynaya müdaxiləsindən sonra Rusiya şirkətlərində tutduğu rəhbər vəzifələrinə görə gərgin müzakirələrə səbəb olub.

Bizimyol.info xəbər verir ki, xarici mediada yer alan xəbərə görə, Bundestaq Büdcə Komitəsində qəbul edilən tənzimləmə dəyişikliyi ilə keçmiş baş nazir Şröderin baş nazir və müavinlikdən doğan pensiya və qoruma polisi hüququ istisna olmaqla, bütün imtiyazları ləğv edilib.

Məlumata görə, istefada olan kansler kimi Şröderin Almaniya Bundestaqında ofisi və beş əməkdaşı var idi. 2016-cı ildən bəri Schröder-in personal maaşı və səyahət üçün illik xərcləri təkcə bu maddədə 419 min və 557 min avro arasında olub. Güzəştlərin ləğvi ilə Şröder ofis işçiləri, səyahət xərcləri və sürücü hüququndan məhrum olub

Bildirilir ki, onun komandası, o cümlədən illərdir onu müşayiət edən ofis meneceri mart ayında ictimaiyyətdə ortaya çıxan sərt tənqid və müzakirələrdən sonra işdən ayrılaraq parlamentdəki digər şöbələrə köçürülmək üçün müraciət edib.

Almaniyada və Avropada demək olar ki, bütün siyasətçilər Rusiyanın Ukraynaya qarşı müharibəsindən sonra Moskva və Putindən uzaqlaşsalar və ya keçmiş yaxınlıqlarına görə onları tənqid etsələr də, Şröder bu günə qədər inadla Putini müdafiə etməyə davam edir.

78 yaşlı Gerhard Şröderin martın ortalarında öz təşəbbüsü ilə Moskvaya getməsi və Rusiya prezidenti Vladimir Putinlə görüşüb Ukrayna müharibəsini bitirə biləcəyinə inanması “reallıqdan qopmasının son nöqtəsi” kimi şərh edilib.

Mediada yer alan məlumatlara görə, Gerhard Şröder 2005-ci ildə partiyasının ümumi seçkilərdə məğlubiyyətindən sonra baş nazir postunu tərk edib, lakin qeyri-adi addım ataraq, fasiləsiz olaraq Rusiyanın enerji sektoruna keçib. O vaxtdan bəri bu vəzifələr və onun Putinlə dostluğu gərgin müzakirələr yaradıb, lakin o, nə partiyasından xaric edilib, nə də başqa sanksiyalar tətbiq edilib.

Fevralın 24-də Rusiya Ukraynaya müharibə elan etdikdən sonra Şröderlə bağlı narahatlıq daha da artıb. Almaniyada partiyadan xaric edilməsinə hüquqi maneələr böyük olduğundan, onun partiyası olan Sosial Demokrat Partiyası dəfələrlə Şröderi öz istəyi ilə partiyanı tərk etməyə dəvət edib. SPD-nin baş katibi Lars Klinqbeyl və həmsədr Saskia Esken dəfələrlə bu istiqamətdə çağırışlar ediblər, lakin Şröder buna məhəl qoymayıb.

SPD həmsədri Saskia Esken dəfələrlə bildirib ki, “Gerhard Şröder illərdir iş adamı kimi fəaliyyət göstərir. Onu keçmiş baş nazir kimi qəbul etməyi dayandırın. Şröder pulunu Rusiya dövlət şirkətlərində çalışaraq qazanır. Biz ondan dəfələrlə Rusiya şirkətlərindəki vəzifəsinə xitam verməsini xahiş etmişik. “Uğurlu keçmiş baş nazir” imicini xilas etmək üçün onun həmin postları tərk etməsinin vacib olduğunu söyləmişik. O isə bizim tələblərimizə qulaq asmadı, Şröder yenə də geri çəkilmədi”.

Beləliklə büdcə komissiyasının qəbul etdiyi tənzimləmə dəyişikliyi ilə Şröderin ofisinin bağlanması və işçilərinin, o cümlədən sürücüsünün başqa işə keçirilməsinə qərar verilib. Tənzimləmə bütün təqaüdçü baş nazirlərə edilən dəyişiklik kimi qüvvəyə minir.

Edilən dəyişiklikdə ən diqqət çəkən məqam, təqaüdə çıxan baş nazirlərə verilən imtiyazların artıq təkcə keçmiş baş nazirlə, yəni tutduğu vəzifə ilə deyil, təqaüdə çıxdıqdan sonra gördüyü fəaliyyətlərlə bağlı olmasıdır. Layihələrə dəstək vermək, vətəndaşlarla məsləhətləşmələrdə və görüşlərdə iştirak etmək, tədbirlərdə məruzəçi kimi iştirak etmək kimi tapşırıqları buna misal göstərmək olar.

Bildirilir ki, hökumətin tərəfdaşı olan SPD, Yaşıllar və FDP partiyaları ilə yanaşı, əsas müxalifətdə olan Xristian İttifaqı da Bundestaqın Büdcə Komitəsi tərəfindən qəbul edilən tənzimləməni dəstəkləyib.

Xatırladaq ki, 2005-ci ildə partiyası SPD-nin ümumi seçkiləri uduzmasından dərhal sonra Rusiyanın enerji sektoruna keçən Gerhard Şröder, o vaxtdan bəri Rusiya və Rusiyanı birləşdirən təbii qaz kəmərlərini inşa edən “Şimal axını” şirkətində Rusiyanın dövlət nəhəngi “Rosneft”in Müşahidə Şurasının sədri vəzifəsində çalışıb. Almaniya Baltik dənizi vasitəsilə Səhmdarlar Komitəsinin sədridir. Rusiyanın “Kommersant” qəzetinin məlumatına görə, Şröder təkcə “Rosneft”dən ildə 600 min avro qazanır.

“Hannoversche Allgemeine” qəzetinin xəbərinə görə, keçmiş baş nazir Şröder federal baş nazir vəzifəsindən ayda 7622 avro pensiya alır. Buna Aşağı Saksoniya əyalətinin kansleri və müavininin əlavə pensiyası əlavə olunur.

Leyla, Bizimyol.info