Rusiyanın Xersonda yalnız rusiyapərəst yerli rəhbərlər təyin edə bilməsi Moskvanın işğalının Ukraynada siyasi məqsədlərinə çata bilmədiyini göstərir.

Bizimyol.info xəbər verir ki, bu barədə Britaniya Müdafiə Nazirliyinin gündəlik kəşfiyyat icmalında deyilir.

Bildirilir ki, Kremlin Xersonda təyin etdiyi “hərbi-mülki administrasiya”nın Moskvadan Xerson vilayətini Rusiya Federasiyasının tərkibinə daxil etməyi xahiş etmək məqsədi ilə yaradıldığı etimal edilir.

"Rusiyanın ilkin işğal planının mərkəzi hissəsi çox güman ki, Ukraynanın əksər bölgələrini uzunmüddətli Rusiyayönlü idarəçilik altına salmaq üçün saxta referendumlar keçirməklə "müstəqil" dövlət adlandırdığı qondarma qurumlar yaratmaqdır",- nazirliyin bəyanatında deyilir.

Kəşfiyyat agentliyi bildirir ki, əgər Rusiya Xersonda üzvlüklə bağlı referendum keçirsə, bu, o, "demək olar ki, Ukraynadan çıxmağın lehinə aydın çoxluq göstərmək üçün nəticələri saxtalaşdıracaq: “Xerson vilayətinin vətəndaşları çox güman ki, Rusiya işğalına qarşı öz etirazlarını nümayiş etdirməkdə davam edəcəklər. Lakin Rusiyanın himayəsində olan rəhbərlik "referendum" keçirərsə, nəticələr əvvəldən bəlli olacaq. Rusiya bununla istəyinə müvəqqəti nail olsa da, vəziyyəti dəyişə bilməyəcək”,- departament əlavə edib.

Xatırladaq ki, Ukrayna Silahlı Qüvvələrinin Baş Qərargahı martın sonunda işğalçıların Xerson vilayətində keçirmək istədikləri psevdoreferendum elan etmişdi. Bu məqsədlə düşmənlər Xerson və Nikolayev vilayətlərinin sakinlərindən məlumat topladılar.

Prezident Vladimir Zelenski deyib ki, qondarma “referendum” keçirilərsə, Ukrayna Rusiya Federasiyası ilə danışıqları dayandıracaq. Bundan sonra Rusiya Xarici İşlər Nazirliyi psevdoreferendumla bağlı deyilənləri təkzib edib. Xerson şəhərinin meri İqor Kolıxayevin sözlərinə görə, bölgə Krıma birləşdirilə bilər.

Qadir, Bizimyol.info