Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Avropadan Putinə xəbərdarlıq: "Buna dözmək olmaz"
Avropadan Putinə xəbərdarlıq: "Buna dözmək olmaz"

Rusiya Ukraynanı işğal etdiyinə görə beynəlxalq asayiş üçün “ən şöyük təhlükə”dir.

Bizimyol.info xəbər verir ki, bunu Avropa Komissiyasının sədri Ursula fon der Leyen cümə axşamı Yaponiyanın paytaxtı Tokioda deyib.

O, Yaponiyanın baş naziri Fumio Kişida və Avropa Şurasının sədri Şarl Mişel ilə görüşdən sonra: “Rusiya bu gün Ukraynaya qarşı davam edən vəhşi müharibəsi və Çinlə narahatlıq doğuran müqaviləsi ilə dünya nizamını birbaşa təhdid edir”,- deyə qeyd edib.

Avropa Birliyinin yüksək səviyyəli rəsmiləri illik danışıqlar raundu üçün Tokioda toplaşıblar. Bu tədbir beynəlxalq ictimaiyyətin əksəriyyətinin Ukrayna müharibəsi ilə bağlı Moskvaya təzyiq etmək üçün bir araya gəlməsi və Çinin rolu ilə bağlı narahatlıqların artmasının müzakirəsi ilə müşayiət olunur.

“Rusiyanın Ukraynaya təcavüzü təkcə Avropanın məsələsi deyil, həm də Asiya da daxil olmaqla beynəlxalq nizamın əsasını sarsıdır. Buna dözmək olmaz”,- hökuməti Moskvaya, o cümlədən enerji sahəsinə qarşı sərt sanksiyalara qoşulan Kişida deyib.

Pekinin Asiyada getdikcə daha əzələli mövqeyi də AB-nin Çinlə qarşıdurmada daha yüksək profilli rol almaq niyyətində olduğu gündəmdə idi: "Ukraynadakı əməkdaşlığımız Avropa üçün vacibdir, lakin Hind-Sakit okeanı regionunda da vacibdir və biz daha iddialı Çinlə bağlı məsləhətləşmələrimizi dərinləşdirmək istəyirik. Biz inanırıq ki, Çin öz ölkəsinin inkişafında faydalandığı çoxtərəfli sistemi müdafiə etmək üçün ayağa qalxmalıdır",- deyə Mişel bildirib.

Rusiya prezidenti Vladimir Putin Moskvanın tarixən Rusiya hesab etdiyi Ukrayna ərazilərini ələ keçirmək üçün “xüsusi hərbi əməliyyat” adlandırdığı müharibəni başa çatdıracağına söz verib. O, hazırda Ukraynada gedən döyüşü qızışdırmaqda NATO ölkələrini və onların müttəfiqlərini günahlandırıb.

Fevralın 24-də müharibə başlayandan bəri minlərlə insan həlak olub, milyonlarla insan didərgin düşüb. BMT-nin insan haqları üzrə komissarı cümə axşamı günü Ukraynanın paytaxtı Kiyev ərazisində son həftələrdə 1000 cəsədin tapıldığını deyib və əlavə edib ki, Rusiyanın işğalından sonra təsdiqlədiyi bir çox pozuntular müharibə cinayətləri sayıla bilər.

Von der Leyen: "Aİ və Yaponiyanın bu sahədə rəqabətə davamlılıq və təhlükəsizliyə diqqət yetirəcək Avropa üçün bir ilk olan rəqəmsal tərəfdaşlığın işə salınması ilə əməkdaşlığı gücləndirəcək",- deyə qeyd edib.

O, iki tərəfin "təchizat zəncirlərimizi şaxələndirmək və gücləndirmək" üçün də çalışacağını söyləyib: "Bu vacibdir, çünki məsələn, yarımkeçiricilər kimi iqtisadiyyatımız və gündəlik həyatımızda vacib hala gələn materiallar və texnologiyalar var. Biz etibarlı təchizat zəncirlərinə arxalanmağı bacarmalıyıq",- deyə von der Leyen bildirib.

Qadir, Bizimyol.info

Paylaş »
››› Ukrayna Rusiya ərazisini atəşə tutub: Zavodun hədəfə alındığı bildirilir
››› Rusiyada canlı yayımda qəfil etiraf: "Ukraynada vəzyyətimiz pisləşib"
››› Rusiyada ard-arda hərbi komissarlıqları yandırırlar - Səbəb
››› Rusiya Paşinyanı istefaya göndərə bilmir: Moskvanın tərəfdarları azlıqda qalıb
››› ABŞ mətbuatında "Ərdoğan harayı", yaxud "meymun baxdı güzgüyə..."
››› AZAL yenə "zərər" açıqlayıb: İnhisarçı şirkət xalqı ələ salmağa davam edir
››› "Keçmiş nazirin qohumuna indi də “gözün üstə qaşın var” deyən yoxdur"
Koronavirusa dair informasiya saytı
Son xəbərlər
Bütün xəbərlər »