"ABŞ Ukraynaya geniş iqtisadi, hərbi və humanitar dəstək verəcək. Rusiya məğlub olana qədər Vaşinqton Kiyevi dəstəkləməyə davam edəcək!"

Bizimyol.info xəbər verir ki, “The New York Times”ın verdiyi məlumata görə, bunu ABŞ Nümayəndələr Palatasının spikeri Nensi Pelosi deyib.

Bazar günü Ukraynaya səfərindən sonra Pelosi deyib ki, "qələbə qazanılana qədər Amerika Ukraynanın yanında olacaq".

Pelosi Ukraynanın müharibə dövründəki prezidenti ilə görüşündən təsirləndiyini deyib və Zelenskini yüksək səviyyəli siyasi xadim adlandırıb. O, onların üç saatlıq görüşünü "gözəl liderlik seminarı" kimi təsvir edib.

O bildirib ki, Zelenski ilə görüşə amerikalı inqilabçı Tomas Peyndən sitat gətirməklə başlayıb. O, 1776-cı ildə yazırdı: “Zaman bizi tapdı. Biz inanırıq ki, Ukraynanın vaxtı çatıb. Bu mübarizə bütün dünyada demokratiyanın qorunmasına kömək edəcək”,- deyə Pelosi qeyd edib.

Kiyevə səfəri zamanı Amerika nümayəndə heyətinin tərkibində olan ABŞ Konqresinin nümayəndələri də Ukraynanı dəstəklədiklərini bildiriblər.

Belə ki, Nyu-York nümayəndəsi, xarici əlaqələr komitəsinin rəhbəri Qreqori Miks ABŞ-ın Moskvaya təzyiqləri artırmaq üçün müttəfiqləri ilə birlikdə sanksiyaları təkmilləşdirmək və genişləndirmək üçün çalışacağını bildirib: "Heç nə azalmayacaq, hər şey yalnız artacaq", - deyə Miks bildirib.

Kəşfiyyat Komitəsinin rəhbəri, Kaliforniya ştatının sözçüsü Adam Şiff Rusiyanın Kiyevi ələ keçirmək cəhdlərinin qarşısını almaqla və Moskvanın daha yaxşı təchiz edilmiş qüvvələrini asan qələbədən məhrum etməklə “ukraynalıların əldə edə bildiklərindən məmnun olduğunu” söylədi.

Massaçusets ştatının nümayəndəsi Cim MakQovern bildirib ki, Rusiya təkcə Ukrayna xalqına qarşı deyil, həm də dünya əhalisinin ən həssas təbəqələrinə qarşı müharibə aparır. Ukrayna Avropanın çörək səbəti hesab olunur və müharibə “bütün dünyada aclığı gücləndirir”.

"Mən düşünürəm ki, Ukrayna və ya dünyanı acından öldürməsi Putinin vecinə deyil. Putinin müharibəsi şərdir", - MakQovern deyib.

Qadir, Bizimyol.info