Birləşmiş Millətlər Təşkilatının Qaçqınlar üzrə Ali Komissarlığının (UNHCR) xoşməramlı səfiri, məşhur aktrisa Ancelina Coli fevralın 24-dən Rusiyanın işğalçı hücumlarına məruz qalan Ukraynaya gedib.
Bizimyol.info xəbər verir ki, sosial şəbəkədə paylaşılan videoda məşhur aktrisa Ancelina Coli aprelin 30-da Ukraynanın qərbindəki Lvov şəhərindəki kafedən qəhvə içərkən görüntülənib.
Maya Pidhorodetska videonu sosial media hesabında “Nothing Special” hesabında paylaşıb: "Mən sadəcə, Lvovda qəhvə içməyə getdim və Ancelina Colinin burada olduğunu gördüm. Ukrayna bütün dünya tərəfindən dəstəklənir”,- deyə o bildirib.
46 yaşlı Coli videonu çəkən şəxsə əl yelləyərib. Coli adi və rahat geyimlərə üstünlük verməsi ilə diqqət çəkib.
Qadir, Bizimyol.info