Ukraynadakı vəziyyətin beynəlxalq bazarlara təsiri fonunda Avropa İttifaqının şimal-qərb hissəsində gəmilər üçün yanacaq ehtiyatı tükənir.

"Report" xəbər verir ki, bu barədə “Bloomberg” məlumat yayıb.

Qeyd edildiyi kimi, Amsterdam, Rotterdam və Antverpen limanlarında dəniz neftinin çatışmazlığı müşahidə olunur.

Son həftələrdə Avropanın şimal-qərbində gəmilər üçün istifadə edilən aşağı kükürdlü dəniz yanacağının qiyməti də artıb.

Moskvaya qarşı beynəlxalq sanksiyaların inkişafı davam etdiyindən bir çox şirkətlər Rusiya nefti və gəmilərindən yayınır.