İndoneziyanın maliyyə naziri Mulyani İndravati bildirib ki, bütün "G20" ölkələrinin liderləri bu ilin sonunda keçiriləcək qeyri-rəsmi assosiasiya sammitinə dəvət olunublar.

Bizimyol.info xəbər verir ki, bu barədə RİA Novosti məlumat yayıb.

Maliyyə naziri əlavə edib ki, sammitin təşkilatçıları, protokol qaydalara uyğun olaraq, dünya liderlərinə, o cümlədən Rusiya dövlətinin başçısına “xeyli müddət bundan əvvəl” həmin dəvətləri göndəriblər.

Qeyd edək ki, bu il "G20" sammitinə İndoneziya ev sahibliyi edəcək: "Biz qaydalara uyğun olaraq Vladimir Putini də dəvət etmişik", - deyə İndravati qeyd edib.

ABŞ prezidenti Co Bayden Rusiyanın "G20"dən çıxarılmasının tərəfdarı olduğunu bildirib. O qeyd edib ki, bu məsələ qrupa daxil olan ölkələrin liderləri tərəfindən müzakirə olunub, lakin hamı bununla razılaşmayıb.

Bundan əvvəl rusiya mətbuatı ABŞ-ın Rusiyanı "G20"dən kənarlaşdırmağının mümkünsüzlüyü ilə razılaşdığını bildirmişdi.

Qadir, Bizimyol.info