Yaponiya hökuməti çərşənbə axşamı Ukrayna ətrafında yaranmış vəziyyətlə əlaqədar Rusiya Federasiyasından 398 nəfər və 28 təşkilata qarşı əlavə sanksiyaların tətbiqini təsdiqləyib.

Bizimyol.info xəbər verir ki, bu barədə Yaponiya Xarici İşlər Nazirliyinin saytında dərc olunmuş məlumatda deyilir.

Xüsusilə, Dövlət Dumasının deputatları, Rusiya Hərbi Dəniz Qüvvələrinin Baş Komandanı Nikolay Evmenov, Quru Qoşunlarının Ali Baş Komandanı Oleq Salyukov, Hərbi Hava Qüvvələrinin komandanı Sergey Dronov, Aerokosmik Qüvvələrin Ali Baş Komandanı Sergey Surovikin, ASC NPK Tekhmash, MKB Vympel və guya Rusiya xarici işlər naziri Sergey Lavrovun həyat yoldaşı və qızı, Rusiya prezidenti Vladimir Putinin qızları saksiya siyahısına salınanlar arasındadırlar.

Bundan əlavə, mayın 12-dən Sberbank və Alfa-Bank-ın aktivləri dondurulur və Rusiya Federasiyasında yeni investisiyalara qadağa qoyulub, bu, mayın 12-dən yalnız xüsusi icazələrlə edilə bilər.

Aprelin 8-də Tokionun Moskvaya qarşı yeni sanksiyalar tətbiq etmək qərarı Yaponiyanın baş naziri Fumio Kişida tərəfindən açıqlanıb.

Qeyd edək ki, bir neçə gün öncə Ukraynanın Buça qəsəbəsində 410 mülki şəxsin cəsədi tapıldıqdan sonra  Avropa İttifaqı dünən Rusiyaya qarşı tətbiq edəcəyi beşinci sanksiyalar paketini açıqlamışdı. Həmin siyahıda  Rusiya prezidentinin yaaxınlarının da adı var idi.

Putini cəzalandırmaq üçün sanksiyaların sərtləşdirilməsi ilə razılaşan Aİ liderləri yeni sanksiya siyahısına Putinin yaxın insanların adlarını daxil etməyi planlaşdırır.

Bildirilirdi ki, Putinin iki qızının adı da yeni sanksiyalar siyahısına daxil edilib. Şəxsi həyatı çox az məlum olan 35 yaşlı Katerina Tixonova və 36 yaşlı Mariya Vorontsovanın aktivləri dondurulması və səyahət qadağaları qoyulması barədə məlumat verilmişdi.

Qadir, Bizimyol.info