Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Kanada rus və belaruslu milyarderləri sanksiyalar siyahısına salıb
Kanada rus və belaruslu milyarderləri sanksiyalar siyahısına salıb

Kanada Rusiyaya qarşı sanksiya siyahısına daha 9 şəxsi, o cümlədən iş adamları Vladimir Potanin, Viktor Vekselberq, Kirill Şamalov və Leonid Mixelson daxil edib.

Bizimyol.info xəbər verir ki, bu barədə çərşənbə axşamı Kanada hökumətinin saytında Ukraynadakı vəziyyətlə əlaqədar Kanadanın Moskvaya qarşı sanksiyaları ilə bağlı dərc edilmiş sənəddə deyilir.

Siyahıda həmçinin Rusiya Silahlı Qüvvələri Baş Qərargahının Baş İdarəsinin rəisi admiral İqor Kostyukov, Dmitri Pumpyanski və “Sinara Group” ASC-nin prezidenti Qalina Pumpyanskaya, “Rusaqro” kənd təsərrüfatı holdinqinin əsas sahibi Vadim Moşkoviç və Marafon Qrupunun prezidenti Alexander Vinokurovun adları da yer alıb.

Bundan əlavə, Kanada Belarusun daha doqquz vətəndaşını sanksiya siyahısına daxil edib. Siyahıda Belarus müdafiə nazirinin müavinləri Andrey Juk, Andrey Burdıko və Sergey Simonenko da var. Siyahıda Aleksandr Şakutin, Vladimir Peftiyev, Anatoli Ternavski, Pavel Topuzidis, Yevgeni Baskin və Valentin Bayko da var.

Sanksiya siyahılarına daxil edilməsi Kanadada mümkün aktivlərin dondurulması və ölkəyə girişin qadağan edilməsi deməkdir.

Qadir, Bizimyol.info

Paylaş »
Son xəbərlər
Bütün xəbərlər »