Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Rusiyadan Azərbaycana qarşı növbəti siyasi tərbiyəsizlik
Rusiyadan Azərbaycana qarşı növbəti siyasi tərbiyəsizlik

Martın 25-də müdafiə naziri general-polkovnik Zakir Həsənovun Rusiya Federasiyasının müdafiə naziri ordu generalı Sergey Şoyqu ilə telefon danışığı zamanı Rusiya sülhməramlı kontingentinin müvəqqəti yerləşdiyi Azərbaycan əraziləri boyunca yaranmış vəziyyət müzakirə edilmişdir. Söhbət zamanı Azərbaycan tərəfi bəyan etmişdir ki, məntəqələrdə mövqelərin və dislokasiya yerlərinin dəqiqləşdirilməsi aparılır. Bu barədə Azərbaycan Müdafiə Nazirliyinin açıqlamasında bildirilir.

"Lakin buna baxmayaraq, martın 26-sı səhər saatlarında qeyri-qanuni erməni silahlı dəstələrinin üzvləri Azərbaycan Ordusunun bölmələrinə qarşı təxribat törətməyə cəhd göstərib. Dərhal görülən tədbirlər nəticəsində qeyri-qanuni erməni silahlı dəstələrinin üzvləri geri çəkilməyə məcbur edilib.

Müdafiə Nazirliyi bildirir ki, Azərbaycan 2020-ci il 10 noyabr tarixli üçtərəfli bəyanata sadiqdir və onun heç bir müddəasını pozmayıb.

Təəssüflə qeyd edirik ki, həmin bəyanatın 4-cü bəndinə uyğun olaraq, Ermənistan ordusunun qalıqlarının və qeyri-qanuni erməni silahlı dəstələrinin Azərbaycan ərazilərindən tam olaraq çıxarılması indiyə qədər icra edilməmişdir. Buna görə bəyanatın müddəalarını pozan Azərbaycan deyil, məhz Ermənistandır.

Müdafiə Nazirliyi bildirir ki, Rusiya Federasiyası Müdafiə Nazirliyinin bu açıqlaması ikitərəfli əlaqələrin mahiyyətinə və 2022-ci il 22 fevral tarixində iki ölkə arasında imzalanmış müttəfiqlik qarşılıqlı fəaliyyəti haqqında Bəyannaməyə ziddir".

P.S. Xatırladaq ki, Rusiya Müdafiə Nazirliyi açıqlama yayaraq Azərbaycanı "Dağlıq Qarabağın sülhməramlıların məsuliyyət zonasına girməkdə" və "Dağlıq Qarabağın silahlı birləşmələrinə hücum etməkdə" ittiham edib. Bununla da Rusiya bir daha Azərbaycanın ərazi bütövlüyünü faktiki olaraq tanımadığını ortaya qoyub. Rusiyanın bu açıqlaması həm 10 Noyabr bəyanatına, həm də "müttəfiqlik" sazişinə ziddir.

Paylaş »
Son xəbərlər
Bütün xəbərlər »