Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Hikmət Hacıyev: “Şuşa diplomatik mərkəz rolunda çıxış edir”
Hikmət Hacıyev: “Şuşa diplomatik mərkəz rolunda çıxış edir”

“Azərbaycanla BMT arasındakı münasibətlərin 30 illiyi, BMT-Azərbaycan tərəfdaşlığı Azərbaycanın mədəni paytaxtı olan Şuşa şəhərində qeyd olunur”.

Bunu jurnalistlərə açıqlamasında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Hikmət Hacıyev deyib ki, Azərbaycan 1992-ci ilin mart ayında BMT-yə üzv olub və 2 aydan sonra Şuşa Ermənistandan tərəfindən işğal olunub: “Bu dövr ərzində işğal altında olan Şuşa şəhəri dağıdılıb, viran edilib. Amma Azərbaycan Vətən müharibəsində əldə etdiyi qələbə nəticəsində digər şəhərlərimiz, digər ərazilərimiz kimi Şuşa da azad edildi. Bu gün Şuşa Azərbaycanın mədəni paytaxtı olmaqla bərabər qarşıdan gələn dövr ərzində BMT-Azərbaycan münasibətlərinin müzakirə olunduğu diplomatik bir mərkəz rolunda çıxış edir. Bunun böyük siyasi, diplomatik, eyni zamanda rəmzi mənası var”.(apa)

Paylaş »
Son xəbərlər
Bütün xəbərlər »