Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Türk Dünyasının Mədəniyyət Paytaxtı” 2022-ci ildə önəmli tədbirlərə ev sahibliyi edəcək
“Türk Dünyasının Mədəniyyət Paytaxtı” 2022-ci ildə önəmli tədbirlərə ev sahibliyi edəcək

Türkiyənin mədəniyyət və turizm naziri Mehmet Nuri Ərsoy “Türk dünyasının mədəniyyət paytaxtı” elan edilən Bursanın bu il bir çox mühim tədbirlərə ev sahibliyi edəcəyini bildirib.

Beynəlxalq Türk Mədəniyyəti Təşkilatı (TÜRKSOY) tərəfindən Bursanın “Türk Dünyasının Mədəniyyət Paytaxtı” elan edilməsi münasibəti ilə keçirilən toplantıda çıxış edən Ərsoy bu il Bursada böyük tədbirlərin, eyni zamanda Dünya Film Festivalının da keçiriləcəyini qeyd edib.

Bursanın coğrafi mövqeyi və inkişaf etmiş nəqliyyat şəbəkəsinin də şəhərə gələn turistlərin sayının artmasına kömək edəcəyini vurğulayan Ərsoy “Türk Dünyasının Mədəniyyət Paytaxtı” statusundan söz açaraq, bunun yüksək və məsuliyyətli bir status olduğunu, düzgün istifadə olunacağı təqdirdə şəhər əhalisinə böyük imkanların qapısını açacağını ifadə edib.

Nazir 2012-ci ildən bu yana Astana, Əskişəhər, Kazan, Mərv, Türküstan, Oş və Xivə şəhərlərinin TÜRKSOY tərəfindən “Türk Dünyasının Mədəniyyət Paytaxtı” adına layiq görüldüyünü xatırladıb.

Paylaş »
Son xəbərlər
Bütün xəbərlər »