Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Yanukoviç Zelenskiyə müraciət edib
Yanukoviç Zelenskiyə müraciət edib

Ukraynanın keçmiş prezidenti Viktor Yanukoviç Ukraynanın hazırkı prezidenti Volodimir Zelenskini nəyin bahasına olursa olsun qanı dayandırmağa çağırıb.

APA bildirir ki, bu barədə RİA Novosti məlumat yayıb.

Yanukoviç müraciətində deyir:

“Mən çox yaxşı başa düşürəm ki, sizin çoxlu “məsləhətçiniz” var, amma şəxsən siz nəyin bahasına olursa-olsun qanı dayandırmağa və sülh razılaşmasına nail olmağa borclusunuz. Bu, sizdən Ukraynada, Donbassda və Rusiyada gözlənilir”.

Yanukoviç bildirib ki, Ukrayna xalqı və Kiyevin Qərbdəki tərəfdaşları belə bir addıma görə minnətdar olacaqlar:

“Mən Volodimir Zelenskiyə prezidentlik və hətta bir az atalıq üslubunda müraciət etmək istəyirəm. Volodimir Aleksandroviç, yəqin ki, əsl qəhrəman olmaq arzusundasan! Amma qəhrəmanlıq nümayişkaranəlik deyil, son ukraynalıya qədər döyüşmək deyil. İnsanların həyatını xilas etmək naminə fədakarlıqda, öz qürur və ambisiyaları üzərində qələbə çalmaqdadır”.

O qeyd edib ki, hazırda Vətənində baş verənləri ağrı ilə qəbul edir və ukraynalıların dözmək məcburiyyətində qaldıqları əzablara dərin rəğbət bəsləyir. Eyni zamanda o vurğulayıb ki, “hər hansı bir faciədə elə bir məqam var ki, onu hələ də dayandırmaq olar”:

“İlk gündən Ukraynada müharibəni dayandırmağa söz verdiniz və buna görə də bütün Ukrayna sizi dəstəklədi. Siz sülh prezidenti ola bilərsiniz, amma təəssüf ki, bu baş vermədi”.

Paylaş »
Son xəbərlər
Bütün xəbərlər »